组合ERROR成员郭嘉骏（193）日前到新城广播接受叶文辉（啤梨）主持的《梨事会》录音访问，193去年8月驾驶红色法拉利撞倒过路妇，商讨后女事主自行离开，却引发不少舆论风波，193在访问中透露事件发生后事业陷入低潮，更惊爆自己出现创伤后压力症候群（PTSD）症状。

现年35岁的193直言购买跑车是为了实现童年梦想，并强调这是靠自己努力赚取的成果：“我自从返到香港出嚟做嘢之后，冇问过屋企攞一分一毫，我觉得自己好努力得到呢啲嘢，实现自己梦想觉得好好。所以我真系好想喺呢个年龄用我嘅钱去买一架车，如果我等到50、60岁先买，已经唔系𠮶个感觉，我年轻时拥有过，我对得住自己。”

事件发生后，193痛定思痛，将跑车卖掉，“我拥有过就已经好叻，但以后唔好咁招摇，招摇一次就够。”可是，情绪仍受到冲击，事业亦陷入低潮：“系有啲惊，有PTSD（创伤后压力症候群），觉得好sad，好似全世界都喺到讲，我觉得自己错咗，但你改变唔到，只能够认错，每日都匿喺屋企，工作又取消晒，最重要系𠮶种无力感，真系发生咗，你认一百次错都改变唔到。”

后来他亲自填词写了一首歌《Keep Walking》作自我疗愈，“我发觉我听番自己嘅词，个人都正面咗，有时会有人DM我，话我首歌啲歌词鼓励到佢，帮到人我觉得无憾。”

193在访问中主动提及，从小是新城广播的忠实听众，童年时期经常于深夜躲在被窝偷听啤梨主持的《卡拉O！BABE》，他忆述：“妈咪叫我瞓觉，我就喺床上偷偷哋听。”他坦言当时已幻想终有一天都要打来点唱，但因性格害羞而未有实行。

对于入行初衷，193表示：“纯粹觉得主持赚到钱……我觉得我有个外形，高高大大，我又会讲英文，广东话都OK，做一个正常嘅MC好似好合情合理。”未料参加《全民造星》后，人生走向完全不同。

今年是ERROR成军七周年，193回应关于团队关系的提问时坦言：“当然有争执，尤其系初出道，大家四个唔同嘅个体，突然间要困埋一齐，系会有好大嘅分歧，所以初时成日嗌交。”但经过多年磨合，现在反而想见一辈子，“大家都知道你底线系咩，会互相迁就，好似情侣咁。”