菊梓乔松口谈保锜恋情　自爆40岁不婚不生：你问佢呀！

菊梓乔（Hana）早前接受访问时，当被问及与保锜的恋情时，一如既往地“落闸”不予回应。然而，今天（7/9）在HOY TV新剧《我爱九龙城》记者会结束后，她接受访问时，似乎心情格外愉快，当再度提及与保锜的恋情，便稍稍“松口”。

菊梓乔受访时表示，十分挂念唱剧集主题曲。“头先唱错歌词呀，好紧张，好彩冇人知。”她也表示，自己与九龙城有很深关系，事关自己经常去九龙城食宵夜。“好好食㗎，面包蟹。（上次有人影到你喺深圳）因为我内地工作多呀，自己好钟意食嘢。（几好㖞，有人照顾你）我自己照顾自己，我大个㗎啦。（你可以照顾返‘佢’）你唔好咁啦！唔好讲照顾边个唔照顾边个啦，人生出嚟有责任照顾自己。”

“我自理能力好高，又识煮饭又识揸车，都识好多嘢，我系一个叻女嚟。（有人照顾你都会照顾？）梗系唔系啦，能力范围做到先得嘅，做唔到唔会夹硬揽上身。（会唔会谂住结婚？）未呀！过晒啦，你明唔明呀？四张（40岁）啦！以前会好想追车尾，而家车尾𠮶度。（唔做妈妈？）我觉得事业紧要啲啰，去到呢个年纪都冇得拣。我又惊我生咗出嚟，会有个代沟。”

记者以黄泽锋做例子，表示代沟不是问题。菊梓乔就回复：“好伟大呀！我惊我冇咁伟大。你哋好想我生咩？我咁瘦！但系问题重点系我𠮶唔想生，我又唔想结婚，又唔想生。(咁佢点谂？）边个呀？（保锜呀）我点知佢呀，你问佢呀！（有冇倾过？）唔倾呢啲嘢㗎。（咁倾咩？）讲音乐啰。”记者笑言，菊梓乔应该教保锜唱歌，她就回答：“佢叻㗎啦，佢劲㗎。我冇资格教人。”记者再追问两人关系，菊梓乔也回应：“讲返工作啦，都冇人留意我工作嘅。”