陈法拉排骨胸不再状态回勇　惊讶香港冇人揾拍戏：我唔贵㖞

陈法拉早前出席2025多伦多国际电影节，穿上一条低胸露背红裙惊现“排骨胸”，今日她（20日）现身澳门出席第二届银河娱乐集团澳门国际短片节（MISFF），换上一条黑色tube dress，手臂明显有肉，状态回勇。

陈法拉在2017年演出的一部独立电影《雁南飞》，她说：“呢部系我第一次唔收片酬拍摄嘅indie film（独立电影），仲要自己出钱搭机票去拍。分享会都有讲，我同导演第一次见面已觉得好有缘份，建立咗友谊，到依家都系好好朋友，嚟紧我执导电影，佢都会嚟帮我手，佢老公会做我摄影师。”

陈拉法透露首部由她执导的独立电影将于12月中开拍，由她亲自撰写剧本，筹备过程接近一年，她说：“系一部西部片，由两位年轻演员演出，个剧本写咗近一年，改咗十几个，已经好精简同刺激，cut咗啲场景就冇咁贵，拍独立短片就系咁。”摄影师曾建议用多一部摄影机，但由于资金所限，陈拉法直言：“所有嘢要计数，样样悭啲使。”

法拉透露能够首次执导好开心，能找自己喜欢的团队合作，她说：“今次好好彩，之前拍电影好多专业美术、摄影、化妆都嚟帮手，拍膊头话ok会度期。”问到会否找《赎梦》的“蔡辛强”张家辉帮手，法拉笑说：“揾佢嚟做茶水，之前佢执导呢部片，我见佢都辛苦，见到佢对电影好热爱同执著，我觉得感动到我，现场学到多嘢。”

问到忙于拍独立电影又要兼顾家庭，会否减少拍摄港产片？法拉断言说：“唔会，我拍好少时间，唔会有冲突。反而等紧好剧本同有发挥嘅角色，香港冇人揾我拍戏，我又唔系贵㖞。好似今日坐飞机返嚟，十几小时返嚟都唔系问题。”