COLLAR演唱会｜$680位都有得握手 和服跳纸伞舞Day天然呆全场爆笑
女团COLLAR一连两场的演唱会《COLLAR “GAME ON” LIVE 2025》今晚（28日）在亚洲博览馆举行，江若琳与老公萧唯展、许廷铿、廖子妤、陈健安、亨仔@ROVER、希晋@ROVER、香𦚯宅（Lyman）、强尼、陈昭煊、陈子丰等都有现身捧场。
以往MakerVille旗下的演唱会，多由MakerVille前行政总裁鲁庭晖担任出品人，而今次是他月初离任后，MakerVille旗下首个大骚，演唱会出品人为现任行政总裁金广诚（Kenneth Kam），开场的Credit名单亦显示他的大名。
约8点30分，现场响起1950年代的歌曲《Que Sara Sara》，再播出一段COLLAR以复古装扮跳唱《Gotta Go!》的黑白短片，COLLAR紧接登场唱出出道作《Call My Name!》，接连一口气跳唱《Run Boy Run》、《idc》及《暴走女团》。
上次《COLLAR Crush》演唱会，COLLAR各成员的Solo全部集中于一部份，而今次则是打散，且出过单曲的成员，都未有唱自己的作品。第二部份先有Winka登场，翻唱陈蕾的《妖治时代》，然后COLLAR以和服长袍风格，撑著日本纸伞跳唱《Trouble Trouble》，令人耳目一新。在团歌《Atypical》、《AFK???》后，又轮到邱彦筒（Marf）的《The Hanging Tree》及《Nothing you can take from me》，然后是《Cell Block Tango》，再以椅子舞性感妩媚跳唱《Speak Love》。
COLLAR大跳纸伞舞：
由于演唱会主题是《Game On》，萤幕播出的间场短片中，众人也分享自己对游戏、输赢的看法，Winka：“我系易感动嘅人，我几proud of自己咁样，钟意就钟意，唔钟意就唔钟意，感受好多，所以同我相处嘅人都好容易feel到我嘅感觉。但feel多啲、讲少啲，呢个都系我要学习。”
芯駖说：“比赛输赢对我嚟讲唔重要，最紧要都系有美好嘅回忆，因为life is so short，回忆系跟一世，过程发生过嘅嘢，喺你身边嘅人，同你一齐行嘅人，无论经历咩都好，呢个都系最好嘅回忆。”
王家晴（Candy）：“输赢对我嚟讲都系几紧要，因为由细到大我都钟意打篮球，打篮球比赛好似同队友一齐上战场，我都重视输赢，但系我觉得有人会怕输，我唔会认输，一直有一班队友喺隔篱support我，俾咗好多情绪价值同支持我，我觉得我系输一场比赛，但系赢咗个队友。”
苏雅琳（Ivy）表示：“我自己都几中二病，成日幻想自己系动漫里面嘅人物，譬如钟意睇《鬼灭之刃》、《咒术回战》，主角都好热血，见到无论发生咩事都无所畏惧，一齐向前冲，而且重要嘅系佢哋身边都有一班好好嘅同伴，即使有失败，佢哋都系一路往前冲，唔放弃，呢个系我非常之向往。”
队长沈贞巧（Gao）则表示：“我好多嘢好惊，不过你哋唔觉咋嘛，其实我好多时候都系所有嘢都系顶硬上，硬着头皮去做，由细到大都袋住一句说话，就系No pain no gain，就算惊都好，点都去试、点都去做，总有啲嘢学得到攞得到。”
而邱彦筒（Marf）透露自己最怕受伤：“游戏里面最惊就系受伤，或者身体有咩大碍，因为无论系我自己，定系成个group都系，因为我觉得受伤咗就抹杀我哋当刻喺台上面嘅努力，有时甚至会去到嬲，因为我做唔到啲乜，当我讲过，但系大家都好想坚持埋落去，但系我觉得呢样嘢对我哋好唔健康，有时就会自己嬲自己，因为系嬲自己点解做唔到任何嘢去帮到，最终都系因为紧张，呢个就系我最惊。”
发言本来都正正常常，谁知去到最后一位，队中公认最Kam的许轶（Day）发言时，她只“哦⋯⋯”就进入“Loading”状态，观众爆笑，她再缓缓说出：“喺呢个混乱嘅世界里面，去爱护身边所有事物，爱你做紧嘅嘢，同爱你身边嘅人，系好难做到，因为喺好混乱嘅时候⋯⋯大家就会好混乱。”全场再一次被她看似无厘头的发言逗得哄堂大笑，然后就轮到她Solo《Toxic till the end》、芯駖自弹自唱《Creep》。
然后七位成员再唱《Take Me Away》及《You Gotta Be》，总共唱了17首歌后，COLLAR终于开声跟观众打招呼，为了与观众近距离接触，众成员边唱《Never-never Land》边落台走近观众，甚至卖大包走到最低价门票$680区的观众，再站上该处的高台唱《Soda Pop》与《CALL BACK IN 20》，又用玩具枪喷泡泡，令群情非常汹涌，COLLAR不得不多次叮嘱观众乖乖返埋位，模仿“靓声王”伍卫国叫喊：“支持COLLAR嘅就请坐低～”