邢慧敏昨晚（29/9）现身将军澳出席无线新剧《巨搭之后》齐齐睇首播。邢慧敏接受《香港01》访问时表示：“今次系演手术室护士，同时亦系宣萱嘅手术团队嘅人，变咗同宣萱都会有好多对手戏。试过对白长少少嘅时候，对住佢紧张讲唔到，搞到NG咗几次，搞到几唔好意思，最后都完成咗。”

提到状态大勇，邢慧敏表示：“其实我系增磅咗成10Kg，之前选美嘅时候真系好大压力，体重不断下降，只有53Kg，但当选美完咗之后，我冇再去特别去减肥，同埋我自然咁去食，体重系上升咗。而家身边嘅朋友见到我块面有啲肉地，精神状态都好咗好多。”

邢慧敏又指体重上升另一个主因，是早期在内拍摄剧集《巨搭之后》，日日饮“废水”所致：“𠮶阵时见有两三日唔使开工，我哋唔会特登返香港，而系会揾好嘢食，变咗好食好住，搞到每日都会饮一杯珍珠奶茶。而剧组嘅同事就封我系‘废水天后’，返到香港系肥晒。”