亿万千金Shirley（梁兆楹）最近参赛HOY TV饮食竞技节目《领厨争霸战》，因出色的厨艺收获不少粉丝，虽然最终失落冠军，但亦成功获选亚军及“最强人气厨神”奖！自从Shirley与歌手伍富桥结婚后，受尽不少酸言酸语，但她凭真性情和得体的言论获不少人网民改观及赞赏。不过，日前疑有女艺人受访时质疑比赛的公平，令一向予人坚强的Shirley开IG Live时激罕爆喊！

直播时，Shirley直认最后一场赛事失误，她指：“我真系个油温同芝士比例自己控制得唔好，所以真系Owen犀利啲！”之后，Shirley就提到收到网民DM一条访问片，当中有一位女艺人讲道原本睇好Shirley夺冠，因Shirley识得人多，以为比赛是内定。对此，Shirley称参赛以来，无数次想放弃，过程好难挨，是网民的DM令她一路坚持，但该名女艺人的言论可能是无心之失，但对她而言伤害甚大：“如果你有问题，可以返去叫你个台公开个投票结果畀你睇，如果我想课金，我都唔会课一个猪肉奖畀自己或者我会买个冠军畀自己。我觉得你好平常嘅一句嘢，可能你觉得好好笑，但系对我嚟讲系一个好大嘅侮辱，因为呢5个月嚟我真系自己去练习、研究食谱去做每一样嘢，无人代我煮，可能你哋觉得系剪接，但如果系有议意，我可以唔要啲奖金，甚至攞返出嚟，因为个奖…我唔会喺呢方面发展，唔会系我个职业，我又唔可以无所谓，因为无所谓系侮辱咗其他参赛者。我想讲个比赛真系公开公平公正，如果有咩不满，可以直接DM我同我讲，而唔系喺背后做咁多小动作。因为我觉得自己有付出，所以我有必要去维护返我自己。”Shirley更霸气讲道：“打狗要睇主人，你今次真系惹错人！”

翻查资料，曾参选《Summer Girls 2022》而出道的乐翊榆日前接受HOY TV访问时被问看好谁是冠军时，她称：“我本身系谂住Shirley，因为知道Shirley同大家都熟悉，会唔会内定呢？点不知，原来系咁公平㗎㖞HOY TV。”事后，乐翊榆更在IG转发访问片称：“自己讲完都觉得好笑。”，之后再串爆指：“真嘢又点会攞出嚟讲呢？”对此，乐翊榆随即DM回应Shirley，但离晒题！Shirley就回应：“我自问是一个明辨是非的人，亦听得明人话。”更呼吁对方己所不欲勿施于人！