陈百祥（阿叻）日前接受访问，力撑炎明熹约满离巢TVB没有问题，不觉得对方反骨，更发表爆炸性言论：“而家冇人要靠TVB！”直言内地市场大，并说：“我哋踢一场波点击率十亿百亿，TVB最多人睇，都系讲紧十点三十几点，都系讲紧百万几人，都唔够百分之一，系万分之一都冇，同埋人哋做紧直播系百万数字收入，你都唔系𠮶样嘢嚟，成个世界转变紧啦。”

一向敢言的邓兆尊前日（10日）为曾志豪、贵花田和王耀祖的“田豪祖3宝channel”直播担任客席嘉宾，对于叻哥发表的言论表示“大致认同”，但觉得TVB仍有可取之处，他说：“始终少不免有啲上年纪观众仲睇紧呢个台（TVB），如果真系冇用就出唔到中三中二（中年好声音）素人出嚟唱歌，红咗有佢哋嘅市场，但市场比较细。叻哥又啱，村超（乡村足球超级联赛）真系过亿点击率。”

曾志豪觉得纵使叻哥的言论不是“石破天惊”，但出自他的口中，难免令人感到意外，皆因叻哥与TVB关系一向友好，与TVB总经理（节目内容营运）曾志伟更是非常老友，他追问叻哥与TVB是否“闹翻”或“情已逝”时，邓兆尊淡然地说：“冇人会断一个关系，最多都系唔理你啫。”

近年叻哥甚少在TVB节目上亮相，亦没有担任港姐或台庆司仪，邓兆尊直言叻哥在TVB“用处少咗好多”，并以卖苹果作比喻，解释道：“好简单阿田去买嘢一样，一个五万蚊苹果同一个十蚊苹果，你会买边个？咁梗系买十蚊𠮶个啦，我用一个叻哥，等如用十个钱嘉乐，咁我梗系用钱嘉乐啦，你明唔明呀！”曾志豪说：“咁就唔开心嘞，系咪？”邓兆尊点头：“系嘞，冇错。”

邓兆尊表示叻哥与TVB应该仅签一年一骚，但累积多年应该有数万元一个骚。不过，叻哥在内地带领“精装明星足球队”，如做带货绝对不止这个价，反问：“一场都唔止呢个价钱啦，我做乜要返嚟tvb，返嚟做啲咁无谓嘅嘢？”他更自爆身价说：“依家内地出场费，以我咁嘅级数都几十万，我宣布有个咁嘅活动，我出场到一到，咁就几十万，我喺呢间公司打一年工都冇啦。”不过，TVB现在有北京台，不少离巢艺人仍会帮TVB拍合拍剧，以保持一定知名度。