由卫骏辉、黄德斌、梁非同、罗妍、陈景铷、黄安晴、苏楚欣和马溢霞担纲演出，“进念•二十面体”制作、陈善之监制、胡恩威执导、改编自陈敢权原著剧本，并由音乐总监杨健平改编及作曲的全新摩登粤剧《顶头锤》，于香港文化中心大剧院一连五场演出经已圆满完成，吸引不少城中名人入场支持，包括《顶头锤》原著剧本作者陈敢权、律政司司长林定国、前特首林郑月娥、前立法会主席曾钰成、高永文医生、香港足球总会会长贝钧奇、《顶头锤》原著作曲高世章、著名艺人胡枫、陈宝珠、梅雪诗、刘松仁、冯素波、张德兰和夫婿杨伟诚、余慕莲、钟叮当、安德尊、徐荣、苟芸慧、颜米羔、智行基金会创办人杜聪、粤剧名人朱庆祥、吕洪广、郑咏梅、邓美玲、林颖诗、黄文超、桃花源粤剧工作舍吴国亮、著名专栏作家汪曼玲、查小欣、陈图安、胡曼青、潘丽琼、前香港足球代表队成员叶尚华、著名时装设计家邓达智、极地探险家李乐诗博士，以及监制陈善之于TVB第六期训练班时的导师程乃根及同学连炎辉、周鼎元、廖安丽和刘雅丽。

由海报拍摄、演员围读、彩排，再到连续四天一连五场演出，“进念•二十面体”主席刘千石也陪伴着台前幕后工作人员，为大家打气，因此在完成最后一场演出后，大伙儿对石哥感到依依不舍，齐齐找他拍照留念。监制陈善之说：“多谢大家嚟支持我哋，多谢台上所有演员嘅倾情演出，所有艺术创作同创新都需要胆量同勇气，进念•二十面体一直好坚持呢份胆量同勇气。好开心同多谢呢几日喺台上嘅演员同所有工作人员，佢哋都对我哋抱有呢份信任同胆量，同我哋行出呢一步，希望日后进念又好，又或者系健平呢班咁有创意嘅年青人都好，继续去创新，令我哋香港嘅广东粤剧可以继续发扬光大，得到更多年青观众嘅支持。我想特别多谢大华银行(香港)及大华银行“艺‧坊”成为水墨艺术伙伴，赞助水墨画，所以大家可以见到咁靓嘅场境。仲有一位我好尊敬好尊敬嘅长辈李蔡美灵女士，佢今晚都有嚟到文化中心现场，佢嘅支持令我哋可以请300 位学生同200 位长者嚟欣赏《顶头锤》。”导演胡恩威表示：“多谢大家，呢个戏都好神奇，我十几年前睇呢个剧，当时系由陈敢权导演、高世章作曲嘅音乐剧，非常之精彩，𠮶阵我睇完就觉得不如将佢改成粤剧，我问陈老师可唔可以俾个剧本我改，佢话可以，我就先揾健平负责音乐，再揾阿Joe揾演员埋班，呢个班底好特别，系跨世代同跨界别。最后我要再次多谢陈老师同高世章，因为冇佢哋嘅音乐剧，就冇今晚呢套粤剧，呢个故仔对香港人嚟讲，真系几特别。”

卫骏辉说：“对我嚟讲《顶头锤》系一个新尝试，亦都好开心同团队紧密合作咗两个几月，系一个好好嘅过程，我亦好享受呢个成果，大家合作一齐做一件咁创新嘅事，我好开心观众好钟意个剧，由4岁小朋友到80岁嘅婆婆都有嚟睇，剧里面有舞台剧同粤剧嘅元素，有啲初初接触粤剧嘅朋友都觉得几好睇，亦唔闷，我期待再次同进念合作，再次顶头锤。”黄德斌则表示：“上次《唔讲得》同今次《顶头锤》反应都咁好，多谢Joe揾我。观众入场前冇谂过系一个咁多嘢睇嘅剧目，佢哋可能会以为一个好传统嘅粤剧，我见到佢哋好开心，有啲观众因为感动而流泪。成个团队嘅合作可以俾到观众一个新嘅感受，大家都非常满足，我亦好开心可以同进念团队合作，佢哋俾咗一个喺我做咗咁多年演员之后嘅新体验，再次多谢监制陈善之先生同导演胡恩威先生，同埋所有演员同工作人员，佢哋对我提点好多，例如点样去演绎粤剧，我觉得自己嘅表现未够完美，但我至少尝试过，希望日后有更多新嘅尝试，亦希望《顶头锤》能够巡演，最后要多谢呢几晚喺后台门口等我嘅粉丝。”

梁非同道：“真系非常之荣幸得到Joe哥同胡导演邀请我参加今次摩登粤剧《顶头锤》，亦都圆满完成咗今次嘅演出，我个角色有好多层次，我自己喺当中学习咗好多。今次个剧嘅口碑非常之好，呢个粤剧中嘅音乐，同我哋嘅演绎有好多新嘅元素，同埋剧情好催泪，希望《顶头锤》可以Re-run再Re-run，到时大家要多多支持。” 罗妍说：“好开心可以参加《顶头锤》，今次同埋咁多跨界嘅演员合作令我获益好多，成个制作好有意思，因为我哋平时做戏系冇咁多舞台效果，或者系一啲曲式上面嘅变化，今次对自己嘅表现满意，亦都好开心去同大家合作。”陈景铷表示：“不知不觉已经尾场，而家嘅心情仲系非常之兴奋，有意犹未尽嘅感觉，希望可以快啲有第二次重演。”

黄安晴续道：“完咗《顶头锤》嘅演出，我最大嘅得着系喺其他演员身上揾到佢哋对戏曲嘅热诚同态度，好似辉辉老师同德斌哥哥，之前可能未同呢两位前辈合作过，但今次见到佢哋对成个制作嘅态度，仲有认真投入嘅程度，我哋作为后辈都有好多得着，成个制作都好开心，见到咁多有才华嘅演员，我希望下次演出嘅时候，可以有更多进步空间。”苏楚欣称：“啱啱完咗show，真系好唔舍得，喺排戏嘅过程同大家变成friend，同埋对粤剧有多咗了解，睇其他演员唱同做𠮶阵，令我钟意咗粤剧，粤剧原来唔系我想像中咁刻板，有时会觉得把声会唔会唱到好辛苦；我一路听佢哋唱又觉得粤剧真系几好听，同埋啲文字好深奥，今次将粤剧同话剧混合埋一齐真系几有趣，仲有我今次要扮男人，真系从来未试过，我当初都好惊，但系好彩发型同埋服装帮到我。多谢今次Joe 哥同导演俾我尝试呢个角色，希望将来有更加多嘅合作。”马溢霞补充道：“多谢Joe哥同导演，粤剧加上话剧真的很有趣，看到观众投入和拍掌喝采，对我们演员来说真的是很大的鼓舞。”‎