TYSON YOSHI被网民封“新四大天王”：唔好咁讲，我一定畀人插死

香港流行歌手TYSON YOSHI今日（10日）出席钟表品牌活动，于出席庆典前盛装踏上红地毡，并接受传媒访问。TYSON YOSHI笑言自己入坑爱上收藏钟表后，已入手几只珍藏，因此才能以星级客人身份出席活动。

与关智斌齐做GYM：佢胸肌唔细嘅，但冇我咁大！

TYSON YOSHI近日与Kenny关智斌一同做GYM，组合令网民感到相当惊喜，连TYSON自己都笑指：“出奇地都几啱倾！一开始系喺GYM撞到，跟住就拍住操，佢都几大力㗎㖞！佢举得到我啲重量，推胸同我差唔多！（胸肌尺吋？）佢都真系唔细嘅，但冇我咁大！”

与MC姜涛合称“四大甜品”　唔预林家谦？

近日有网民表示“新．四大天王”由姜涛、MC张天赋、“Tiramisu”及一位神秘人物，TYSON YOSHI受访时随即耍手拧头：“咩呀？四大甜品！（唔系四大天王？）唔好咁讲，我一定畀人插死！我系四大甜品，唔系四大天王，唔好搞我呀手下留情！”至于剩余一位神秘人物，网民表示为林家谦，但谈到老友家谦，TYSON YOSHI却笑指：“仲有一个系林家栋呀嘛！下面留言系咁写，林家谦机会细过林家栋㖞！唔好提家谦啦，好闷呀！”但笑言林家谦老奸巨猾，竟将薄荷糖与衣物一起清洗：“我睇穿佢啦！一定系接咗啲咩薄荷味洗衣珠广告！”

一个原因婉拒坐热气球

TYSON YOSHI早前于热气球活动担任表演嘉宾，但笑言未如宣萱一样有机会乘搭热气球，原因却非热气球升空问题：“因为我畏高呀！我系惊㗎！就算有机会我都系心领喇，我都系贴地啲好。（如果有收入会否上热气球？）睇几多钱啦，可能逐米逐米计啦！越升得高我咪越贵啰！升10米应该冇事嘅！”