现年31岁的TVB小花罗雪妍（Uki），凭处境剧《爱‧回家之开心速递》中饰演接龙女职员Gigi一角以及担任六合彩主持而为人熟悉。罗雪妍在TVB的演出机会越来越多，然而不少艺人在表面风光的背后都有鲜为人知的辛酸一面。早前罗雪妍就在小红书上载影片，亲自揭露TVB女演员的辛酸日常，自爆一日内竟然要疯狂打4份工，更曾为悭钱试过“200蚊食足4日”，十分之悭家。不少网民因此觉得她可能是在TVB的收入不够日常生活开支，所以才要打几份工帮补生计，以及要节衣缩食来省钱。

亲揭$200食足4日真相

罗雪妍日前出席TVB《爱·回家之开心速递》活动时，被问到$200食足4日的悭家行为，是否因为要挨穷？对此她说：“其实系个人习惯，主要系为咗减肥，就唔系因为穷或者要悭钱。自己为咗减肥平时一日食两餐，早餐就食啲蕃薯、南瓜，饮杯咖啡，晚餐就加啲牛腩，有时煮吓镇江骨，又或者买只鸡加埋朝早剩返嘅蕃薯南瓜𠮶啲，再煮个面就一餐，一只鸡可以食三日。我呢两三年自己住都系自己煮。咁我储埋啲钱都有目标嘅，想置业。（想几时完成目标？）睇缘份，我想回馈屋企人，买楼同爸妈一齐住，两房单位就够，唔预我细佬。（储到首付未？）努力储紧。”

TVB人工相当可观

至于一日打四份工是否因为TVB人工低？罗雪妍说：“咁有时间都想做多啲嘢，我有做自媒体，教瑜伽已经教咗一段日子，教瑜伽嘅时间仲多过我喺TVB开工嘅时间，𠮶次我帮屋企人做主持有收利是，都当系一份工。（教瑜伽收入好过TVB？）睇情况，喺TVB有剧开时嘅收入几可观㗎，几多就唔方便透露。自己最穷嘅时候系刚毕业𠮶时，好穷，穷到食烧卖当一餐，𠮶时做marketing，得万三四蚊一个月。不过人人都系咁样挨出嚟，随住经验同资历，人工就会慢慢加上去。”