ViuTV开台十周年，今日举行《ViuTV 10周年午宴》，ERROR今日仍然是三缺一阵容，被指遭“雪藏”的郭嘉骏（193）继续缺席，只得吴保锜、何启华（阿Dee）及梁业（肥仔）现身受访。三位讲到十周年愿望时，保锜说升职加人工被指肤浅，结果阿Dee亦只说：“加人工升职啰。”肥仔说要拍多部十亿片，阿Dee即问上一部是什么，肥仔就兜：“印尼盾都得㗎嘛。”之后ERROR继续自由发挥，肥仔话想做杀人犯角色，阿Dee接：“以为你做印尼盾，我一定做印尼剑，佢可以做印尼枪。”保锜说他可以拍MARVEL做印尼侠，阿Dee回应：“你呢？你做厘印侠啦，专收厘印费。”

阿Dee肥仔抽水指193：每日照镜都上演紧《悠长假期》

问到会否想与吕爵安（Edan）一样，能翻拍主演经典日剧《悠长假期》，阿Dee：“我恨呀！我恨呀！公司可能畀另一套，《悠长假期》可能真系叫你放悠长假期，唔系畀你拍啰，真系有封信㖞，叫你放悠长假期。”话题又随即带到正在放悠长假期的193身上，阿Dee：“佢就系放紧啦嘛！（肥仔：佢拍紧啦直情！）每日照镜都上演紧。”至于193何时才放完假，阿Dee指不知道，肥仔则表示：“快㗎啰，有机会快。（Dee：悠长嚟讲都够悠，亦都够长，都差唔多嘅，我谂可能。）”

保锜称“做衰咪由佢”险失言　遭阿Dee严正喝止

被问ERROR何时再有团Job，他们透露部署中，由于ViuTV下月起逢一至五晚8点将推出1.5小时综艺直播节目，阿Dee直言是重头炮，希望大家多多帮手宣传，问到做直播该如何拿捏尺度，保锜竟说：“做衰咗咪由佢啰。”此时阿Dee怕他失言，即喝止他收声：“你收声先！你唔好讲嘢喇你！每次畀咪你都真系唔对路，真系躁呀，我依家要严正执法，队长！出嚟，你feel到佢个嘴快过个脑你就stop佢。”保锜即问，倘若直播中讲错嘢、讲了粗口应该点，阿Dee：“我会话系你讲啰，得唔得？其实点会？我哋点会讲粗口？我哋专业㗎嘛！我哋依家ERROR好respect，唔会再犯错，出返嚟就知道。”讲到这里他即望一望保锜：“系咪咁讲？”

保锜拒再谈去年微笑抑郁症　直认“零工作”不敢有要求

此外，保锜早前透露去年有微笑抑郁症，但今日他就不欲再多谈，指：“唔系，上年有少少情绪问题，都过去咗，所以今日都唔好喺度提。”当问到目前有没有工作在手，他果断回应：“冇！”而阿Dee和肥仔立即大笑说：“ 妙问妙答！”保锜再强调自己是认真答，阿Dee：“咁又冇乱讲嘅，闹佢唔落。（肥仔？）讲真话又要闹？”保锜再说：“我人生唔讲大话，冇就冇，有就有，冇（新工作）！”他亦没有刻意想许愿要有什么类型的工作，冇期望就冇失望，最后表示：“我好爱MakerVille！ViuTV 10周年快乐，Yeah！”

阿Dee获封“亿万票房男配角”劲过视帝　吁支持《喜剧开场》

而阿Dee亦参与了另一套重制日剧《喜剧开场》，早前已拍完，随即步入后制阶段：“既然剪得咁快，即系应该都……个气势同埋𠮶个拍落嚟嘅余温，个感觉，都带埋入去，一拍完就即刻做后期，而唔系喺度‘Dum dum dum’一年，有时冇咗团火，或者用咗第二个感觉去做制作，咁其实出嚟效果好唔同，快有快嘅好，所以我非常之期待。”他呼吁有睇过原版《喜剧开场》的观众，到时无论如何都睇一集支持一下。当记者叫他“何视帝”，他笑言：“系都MIRROR邱视帝（邱士缙）同杨视帝（杨乐文）𠮶边先啦，佢哋几多作品，好似冇离开过电视机咁， keep住轮住。”而保锜就指，阿Dee拍过《毒舌大状》和《夜王》，目前已是“亿万票房男配角”、“二亿哥”，个朵绝对劲过视帝！