喺香港呢个咁繁忙嘅都市，想揾个真正欢迎宠物嘅地方真系唔容易！不过长沙湾丽新商业中心（Lai Sun Commercial Centre）就系毛孩同主子嘅天堂！商场位置超方便，坐落长沙湾道680号，荔枝角地铁站行过去就到，楼上仲有7层停车场。除咗有寿司郎同MCL戏院，商场内三层楼集合咗多间宠物友善店舖，最重要系欢迎宠物落地！今日就同大家详细介绍呢度嘅宠物友善商户，等你可以同毛孩玩得开心、食得满足！

1)URBAN Cafe

先讲食肆部分，丽新商业中心有四间热门食肆，全部都畀宠物可以系里面指定位置自由出入，唔使担心毛孩要喺门外等。其中最瞩目嘅就系位于1楼嘅URBAN Cafe，系全港最大嘅猫Cafe兼Pet Friendly Cafe，面积达7000呎，入面有约70只可爱猫咪自由活动，等你随时同佢哋互动，超治愈！店内装潢走全木材文青风，空间宽敞明亮，打卡一流。午餐主打多国菜，晚餐主打西式，由西班牙烧烤酱黑毛猪肋骨、日式溏心蛋牛肉寿喜烧乌冬到香烤蜜汁春鸡，任君选择，仲有呢度甜品特别出色，例如多款口味窝夫配冰淇淋同埋栗子蒙布朗等，菜式多到目不暇给。人均消费约 $35–100，星期一至四不限时，星期五至日及公众假期则限时两小时，不设入场费，最好预先网上订位，以免门口排长龙；带狗狗嚟，佢哋都可以喺宠物区放电，猫狗共融，超chill！ 宠物区仲可以包场，无论系开生日派对，定系定期搞狗狗聚会都无任欢迎！

2)冲绳二段料理（Antoshimo Cafe & Bakery）

第二间系冲绳二段料理，系最新开嘅食肆，位于1楼105号舖，专攻冲绳家庭料理同自家制冬甩。店内设有宠物友善专区，宠物主人可以放心带毛孩入座，唔使绑住佢哋。想像下，食住用全石锅烹调嘅冲绳料理及热辣辣新鲜整既冬甩冰淇淋甜品，同毛孩一齐，边食边畀佢哋饮水，感觉超温馨！店内属开放式设计，适合全家带宠物出街，一起品尝日式热腾腾美食。

3)甜记饺子

第三间甜记饺子，系地道中式饺子店，呢间系由原本青山道总店结业后搬过来，比旧店大3倍有多，新店内里装修走轻工业风，加入人造花草园景点缀。佢地价钱绝对亲民，饺子种类有13款，有猪牛羊鸡，梗有一款啱你。仲有汤底浓郁嘅鸡汤同蕃茄土豆汤两款以供选择，加上其他特色小食，例如麻辣鸡肾、藤椒鱼皮同卤水牛展；一边品尝弹牙鲜美嘅人气饺子同小食，毛孩佢哋可以喺旁边等你。想食得简单开心又满足，呢度系首选，周末人气爆灯！

4)星巴克 (Starbucks Coffee)

最后一间系人人熟悉嘅Starbucks，呢间分店装修特别，舖面门口及招牌充满南美森林美术图案特色，喺商场设有半室外专属宠物区。呢度环境舒适，适合同毛孩一齐relax! 买完野饮，主动同店员询问便可获得一杯免费 Puppuccino！ 等毛孩都同你一齐开心吓啦！

5)爱犬站（Love Pet Station）

除咗主人可以享用嘅食肆，丽新商场仲照顾所有毛孩嘅身心，同埋最紧要就系佢地嘅肚仔温饱，满足毛孩各种需求。位于地下G43-45号舖嘅爱犬站（Love Pet Station），就包办晒以上讲嘅所有野，呢间系连锁宠物用品店，食品、玩具、日常生活用品，营养保健品齐全，佢地仲有自家制嘅精选健康食品，例如各种肉类及海鲜冻干，帮你提升毛孩生活质素，令佢地活得健康又快乐。

6)香港兽医中心 — 宠生堂（Hong Kong Veterinary Centre-Chong Sheng Tang）

毛孩主子一有头晕身㷫，做主人嘅就会非常担心，丽新商场就有一间提供中西医服务位于1楼108B号舖嘅‘宠生堂’中西医宠物诊所。既提供中式针灸、推拿、草药浴等疗法，亦有一般宠物西医嘅疫苗注射、牙科保健 、绝育手术 、X光超声波、一般常规手术及留院服务畀毛孩，提供全面性医疗服务，可以唔使周围走，一站式保障毛孩嘅健康，有头晕身㷫再唔使担心啦。

7)宠健络宠物复健中心（Pets4Motion Rehabilitation Centre）

毛孩同人一样，骨关节也会随着年纪增长而逐渐退化，踏入中老年容易患有关节炎等其他骨骼疾病。宠健络宠物复健中心（Pets4Motion Rehabilitation Centre）专注宠物复健，用专业设备及技术，如水疗、手法按摩治疗、物理治疗及平衡训练等，减轻毛孩肌肉及关节压力，促进淋巴和血液循环，替毛孩改善伤患及活动能力，帮猫猫狗狗恢复体能，无论关节问题定手术后调理，都有宠健络一班专业手法按摩师照顾。

8)Paws Hero 动物英雄联盟

Paws Hero 动物英雄联盟是一个关心动物福祉的慈善组织(NGO)，宗旨要消除对待动物的所有残酷行为及弃养，佢地喺商场地库设有动物活动共享空间及教育中心，经常出访各中小学及幼稚园举办教学活动，亦于共享空间内每月举办工作坊、教育讲座及义工训练，其中包括人狗瑜珈、狗狗按摩、宠物颂钵工作坊等，仲同各动物收容组织合办或借出场地举办不同种类宠物领养日，有猫、狗、仓鼠同兔仔等，透过上述活动，鼓励大家支持领养，拒绝购买，俾弃养嘅小动物及流浪嘅猫狗有一个温暖的家。

9)香港圣公会麦理浩夫人中心 宠爱轩培训及实践中心 Petzone

最令人期待嘅，系即将喺12月开幕嘅宠爱轩培训及实践中心Petzone！呢个由香港圣公会麦理浩夫人中心主办嘅社企，将提供宠物美容、护理、犬只训练证书课程同各种宠物主人兴趣班、相关讲座及义工活动等，客人仲可以带毛孩到中心内畀佢地享受宠物美容服务！宠爱轩培训实践并重，毕业生会在社企得到实习机会，开创职涯发展。宠爱轩每月有一至两个星期日仲会举行主题工作坊、领养日及宠物市集。开幕后，商场会更热闹，服务会更全面！

丽新商业中心唔只系饮食购物及娱乐热点，更加系宠物友善模范。喺快节奏嘅香港，难得有一个地方集齐你同毛孩所需，仲可以一齐享受生活，喺一个市区内嘅商场“一站式”可以欢度一整天。快啲约埋朋友，带宠物嚟玩啦！想知最新资讯，上商场LS Club 嘅 网站、Facebook 同Instagram 查下。另外有兴趣喺商场内拓展宠物行业商机嘅朋友，可以致电租务热线 2745 7118 同 罗先生 Andrew 或者 张先生 Anson 联络 。