【毛孩KOL】直击训练营超萌猫猫组别参赛名单！
继狗狗组别之后，为大家介绍“毛孩达人KOL训练营”猫猫组别的参加者！每只“主子”都各有特色，不论是活泼好动亦或是优雅文静，期待牠们能够展现出独特的魅力与大家分享他们的故事！立即追踪牠们的社交媒体专页，支持你的心水毛孩KOL！
了解更多有关训练营资讯
21 - GuGu ＆Hachi
品种：德文卷毛猫
性别：男仔
技能：GuGu - 肚仔饿嘅时候会讲“唔该”；Hachi - 佢最大嘅技能，就系冇特别技能，除咗靓仔…便一无是处
自我介绍：Hello～我个名叫咕咕🐈由3年前嘅圣诞节𠮶日，PaPa MaMa带咗我返屋企，我就成为佢哋最心爱嘅圣诞礼物。我系一只超级嗲猪，系mama嘅小宝宝（妈宝）。只要有MaMa嘅地方，就会有我咕仔嘅出现🤭我超级为食㗎，为咗得到更多嘅美食，我依家仲识讲“唔该”。平时最钟意同妈妈一齐头贴头瞓觉，钟意妈妈赞我靓仔。
我个名叫Hachi，我系爷爷嫲嫲嘅第一粒乖孙，Hachi意思系日文嘅“8”，因为我系“8”月26日出世，26两只字加埋又等于“8”，而且我系上昼八点出世㗎！所以爷爷就帮我改咗呢个英文名。屋企个个都叫我小明星，因为我生得又靓仔又大只。平时钟意跑跑跳跳，周围虾虾霸霸。最钟意虾咕咕（我爸爸）。
22 - ChaCha ＆ Yuja
品种：唐猫
性别：女仔
技能：Yuja - 钟意企喺度，日日都讨抱抱；Cha Cha - 忍耐力高，情绪稳定
自我介绍：大家好，我地系Yuja Cha (柚子味)，Daddy mami喺猫舍领养我地番屋企。Cha cha系姐姐，Yuja系细两个月嘅妹妹。妹妹活泼钟意虾姐姐，而姐姐好就个妹妹。
23 - 莉莉娜 Relena & Sora
品种：德文卷毛猫
性别：女仔 （莉莉娜 Relena ）＆ 男仔 （Sora)
技能：莉莉娜 Relena - 喵喵拳；Sora - 巡回 （叼回小玩具)
自我介绍：大家好，我系莉莉娜 Relena，创立自家喵喵拳，有2个徒弟仔，人称“娜姐”。每日都会喺窗边叹住阳光修行，又或者跳上人类膊头移动。我认为不打不相识，所以初次见面多数会以拳会友，代替握手。希望大家都感受到我嘅热情，同我做好朋友啦 🫶🏻
24 - 豆花＆等腰
品种：布偶猫
性别：女仔 （豆花 ）＆ 男仔（等腰）
技能：豆花 Relena - HandHand/ Hi-five；等腰 - 识“俾手手”同“Hi-five”
自我介绍：豆花是个温柔文静的小淑女，十分亲人，同细佬一样识俾手手同Hi-five。最钟意安静静地陪妈妈逛街。🫶🏻
我叫等腰，识“俾手手”同“Hi-five”，热情好动，最爱外出探险，连狗狗都唔怕，绝对系KOL潜力股！
了解更多有关训练营资讯
25 - 余子
品种：无毛猫混德文
性别：男仔
技能：转圈、比手、锡锡
自我介绍：Hello大家好～我叫余子，大家都叫我鱼子酱，除咗特别为食，我唔怕陌生人嘅任何人都可以摸我^^我最特别系无毛猫之中，又会生啲小小嘅卷毛系脚同埋尾巴𠮶度～我希望大家都可以睇到咁特别嘅特征啦😆
26 - 小云
品种：家猫
性别：女仔
技能：会自己打开和关上餐边柜的灯，懂得在指令下坐下；不足一个月时已懂得在指令下握手
自我介绍：我系小云，一只四个月大嘅狸花猫女～由唔够一个月大开始就入屋住，细个已经识听指令握手。大个之后就有啲小性格，唔系成日都愿意握，不过最近自己学识开同关餐边柜嘅灯，主人话我好叻！我最钟意主人开门𠮶刻冲出走廊探险，每次出街都好兴奋，仲会自己行路好似狗仔咁。我钟意食鸡胸肉、晒肚瞓觉，成日摆唔同姿势等主人嚟摸我肚肚影相～系个贪玩又黐人嘅小淘气！
27 - Gus & Pango
品种：英国短毛猫 （Gus ）＆ 唐猫（Pango）
性别：男仔
技能：跟指令做动作，例如：俾手手，坐低，转圈等
自我介绍：Gus同Pango系天使级妈宝，性格温柔又亲人。Gus系为食代表，可以轻松被训练做出好多可爱动作，最爱俾人摸到煲水翻肚；Pango就系天生model，镜头感十足，影出嚟嘅样时而型格、时而可爱。
28 - 王富贵 Fugwai
品种：德文卷毛猫
性别：男仔
技能：Catwalk
自我介绍：我叫王富贵，系德文卷毛猫，来自Caturday猫舍，系屋企一家之主，平时兴趣系沟女无论猫女定人类我都搞得掂，生得靓仔决定靠个样揾食。
29 - Snoopy ＆ Toro
品种：德文卷毛猫
性别：男仔
技能：Snoopy - sit / Hand / High Five；Toro - Handhand , sit, HighFive
自我介绍：Snoopy系一只可爱嘅I猫，性格比较内向慢热少少。平时我最钟意同哥哥Toro一齐出街，唔好心急俾少少时间我，我都可以同大家好亲近 😺✨
Hello~我系德文猫拖罗 🐟🐱我系一只正宗E猫，性格外向自来熟。最钟意著靓衫出街打卡影相。极度享受人类们嘅attention，目标系成为所有路人目光嘅焦点，喺街见到唔好怕羞，过嚟赞我靓仔就啱㗎啦！😺✨
了解更多有关训练营资讯
30 - 包包
品种：英国短毛猫
性别：男仔
技能：吐口水+从容不迫
自我介绍：包包系一个肥肥好可爱的小男生✨头上有两个小牛角包🥐辨认度高🤣而且亲人亲猫😚任何地方都可以被摸摸～而且系懂得望镜头的小可爱！
31 - Luna
品种：英国短毛猫
性别：女仔
技能：识做指令 sit, up, hand hand, 转圈圈, give me five
自我介绍：我叫Luna，中文名叫月亮女神，系一只细细粒既英国短毛猫，有一对大大既蓝色眼睛。虽然讲岀黎可能冇人信，其实我细个既时候都曾经俾人弃养，直到缘份令我遇到宜家既屋企，成为左佢地既心肝椗，锡到我㶶，幸运既我希望可以将呢份幸福都带俾大家。
32 - Vodka
品种：缅因猫
性别：男仔
技能：手手
自我介绍：各位好，我系Vodka仔。今年1岁仔仔，好荣幸HK01同OKMIEDIA比机会我可以出席KOL训练营同其他造星猫狗朋友见下面成为今次训练营既一份子，我妈妈为左想等大家认识我都帮我开左个Instagram,黎紧会比大家见证到我既努力成果ฅ^•ﻌ•^ฅ
33 - 白雪雪 ＆ 波波
品种：缅因猫
性别：男仔
技能：去到边食到边 去到边chill到边
自我介绍：波波系一只好为食既猫，平时中意合埋眼用双耳感受世界，一有野食就毫不犹豫地张开双眼。
34 - Milou & 髀髀
品种：英国短毛猫
性别：女仔 （Milou ）＆ 男仔（髀髀）
技能：Milou - 撞头头 握手手; 髀髀 - 撞头头 会执波波
自我介绍：眼大大 长眼线 樱桃小嘴嘴馋 亲和力Max 钟意扮靓靓系每个女孩子嘅天性，Milou都唔例外。平日嘅喜好 除咗食玩瞓卖萌之外就系任Mama鱼肉！一齐着衫扮靓打卡，一有镜头影住就自动企定定埋位影相❤️。
大头𝙱 周身毛 傲娇倔强嘅鳌拜—髀髀系由繁殖场领养嘅猫猫🐱
性格如佢嘅名一样 相当骨“卑”黏人，初时接髀髀返嚟瘦蜢蜢。寄望佢好似𝙼𝚊𝚖𝚊个大髀一样咁粗壮🤭而髀髀亦都冇令我哋失望，凭住自己嘅力量 食到自己肥肥白白，又大又圆相当𝙵𝚕𝚞𝚏𝚏𝚢。
35 - Campbell
品种：英国短毛猫
性别：男仔
技能：1分钟内食哂1条猫条
自我介绍：我系金宝Campbell，有绿宝石眼睛同紫色眼线，个头仲同我家姐𠮶个一样咁大，系一只英短紫金猫猫，性格好恶但系够在上镜又得意，每日最钟意就系训觉同食猫条!
36 - Gulu
品种：异国长毛猫
性别：男仔
技能：冥想 · 打坐 · 躺平 · 发呆
自我介绍：长期静止画面嘅me，人称佛仔猫，自称松弛哲学家。座右铭系发癫不如发呆。喵咪陀佛。
37 - 顿顿
品种：豹猫
性别：男仔
技能：sit!
自我介绍：顿顿猫仔酱酱已经系爸爸 最叻就系顿顿摊同番工养屋企！听到Sit就会坐定定等零食！虽然个样“顿顿”地，但其实又乖又和善 仲唔惊狗仔添！
了解更多有关训练营资讯
38 - Chumi & Yagi
品种：英国短毛猫（Chumi) ＆ 英国长毛猫 （Yagi）
性别：男仔（Chumi) ＆ 女仔（Yagi）
技能：Chumi - 好好食饭 好好瞓觉；Yagi - 喵式陪伴 以及管家技能
自我介绍：Hello～我系有少少怕丑嘅Chumi（猪咪🐽）～
我嘅人生格言系“不问世事, 只问开饭未”同好奇心爆棚嘅姐姐Yagi相反 我最大嘅兴趣就系揾个靓位晒住太阳瞓个靓觉☀️同埋享受美食🍽️😋讲到食罐罐我就最讲究 ：我平时都系食两啖→饮少少水→沉思五秒→再食两啖→再饮少少水😌 。Mama话我呢套系“Chumi式养生食法”☝🏻所以瞓饱饱食饱饱冇烦恼就系我啦✨！仲有啊 因为我块面胀卜卜成个松软嘅馒头咁, 所以大家成日都话要“搓面粉”仲话我手感QQ弹弹～真系激死我啦 我明明系一个靓仔嚟㗎嘛最后温馨提示大家：想同我做friend请自备猫条条～🐷🤪
MEOW大家好～我系Yagi妹妹, 今年1岁 🐾 上年Papa Mama就系喺8号风球吹袭香港𠮶日带咗我返屋企 所以我个名就系取自台风Yagi🌀系咪好特别呢～我对人类所有活动都好有研究㗎 由佢地食饭冲凉睇电视砌模型去到拆包裹安装家私 事无大小我都会第一时间赶到现场👑 冇计啦 鬼叫我系双子座小公主咩
我星期六日都钟意同Papa Mama仲有Chumi弟弟游车河睇风景嘅 不过最近我就好沉迷打机同陪Mama睇《甄嬛传》📺 睇到肉紧嘅时候试过一爪拍熄咗电视 仲吓到Mama大叫 “OH MY GOD!!!”
好啦 我而家要去食我嘅和牛猫条条啦😋 下次再讲啦 好高兴认识大家～😽
39 - Melu 咩噜
品种：布偶猫
性别：女仔
技能：手手+High Five+企高高
自我介绍：大家好，我叫Melu（咩噜）！系屋企嘅一家之主，有个靓老婆+4个仔女，平时最钟意出街街 睇风景、落地散步～最钟意食条条，只要有条条，我好愿意做指令㗎。
了解更多有关训练营资讯
40 - Mirror
品种：黑白港短
性别：女仔
技能：趷高啰柚俾妈妈搓
自我介绍：Hi！禾系Mirror，爸爸妈妈叫禾做Mirror猪！禾系猫界中最靓嘅 (佢猫界中只有Kittie仔及姜B🫢) 禾以前系浪浪，警觉性好高 (好惊青)，浪浪时曾因打交在鼻鼻留低过疤痕；平时最钟意阿妈同禾搓啰柚～搓～搓～搓～真系好舒服妈妈咪唷💖
咁礼哋觉得禾靓唔靓？😽🎀