梁朝伟首部主演欧洲电影《沉默的朋友》（Silent Friend）早前先后于威尼斯及各国电影节首映，周游各地后终于回港。梁朝伟今日（9日）出席广告代言活动期间接受传媒访问，分享各地观众喜欢新戏的喜悦，并透露接续有意接拍更多外国影视作品，又开腔分享与杜琪峰合作新戏的进度！

梁朝伟谈到《沉默的朋友》于威尼斯首映时，虽然未能亲身出席，然而亦感谢观众赞誉：“威尼斯电影节系第一站，跟住多伦多、釜山，嚟紧喺欧洲都仲有一系列嘅电影节。因为系一部德国电影所以一月会喺德国上先，寻日听讲北美已经买咗（发行权），我哋亚洲区好似日本、中国同香港都会陆续上映。”直言对作品受欢迎与得奖感到开心：“始终唔系一部主流电影，好难得有咁多人有咁好嘅反应，起码啲人睇得明先啦！”电影中，梁朝伟全裸上阵演出，问到演出时会否犹豫，伟仔随即笑言：“冇啦！《色．戒》都已经……边到劲得过《色．戒》呀！”至于未有凭新作夺得威尼斯影帝，梁朝伟亦心情轻松地表示：“梗系唔会啦！都攞过咁多啰……有咩所谓呀！”

梁朝伟近年先后主演美国及欧洲电影，早前在釜山电影节亦大受欢迎，他对接拍更多外语作品持开放态度：“我觉得唔剩系韩国，可能性有好多！自从疫情开始，大家睇电影习惯转咗去串流平台，我都收到好多剧本系同好多唔同国家嘅演员合作，韩国当然有机会，所有国家都会有机会。”至于日前主动提出有兴趣与他合作的宋仲基，梁朝伟表示有留意对方，更提出接拍韩国作品的两项条件：“我知！其实一直以嚟都希望有机会同韩国导演、演员合作，呢啲要讲缘份，又要个角色啱我，唔驶讲咁多韩文。”亦笑言拍摄外国剧集与电影为不一样的新体验：“拍一季七集嘅过程，同一套戏嘅过程又好唔同，可能会长少少、又几好玩，所以我唔介意拍下剧集。”

近年产量大减的香港殿堂级导演杜琪峰，正与梁朝伟筹备新一部合作电影，伟仔亦于访问中确认消息：“我哋有一个咁嘅计划，但佢自己部戏都未拍完，所以未知几时可以拍。（已预留档期？）冇得mark定，因为中间都有啲电视剧、电影，边套准备好就拍边套先。”伟仔更笑言在未知故事剧情等资料下，已一口答应接拍：“我都唔知系咩片种，有一晚食饭，觉得好耐冇合作，又讲起《鹿鼎记》就觉得如果可以再合作就好，于是就谂一个故仔。”至于再次合作发哥的机会，他则笑言：“发哥肯做先算啦！”并表示目前除了即将合作杜sir的作品，其余拍摄计划均为国外作品。

梁朝伟早前惊喜亮相陈冠希网上频道接受访问，大谈时装及潮流，谈到认为二人谁比较前卫，梁朝伟笑指：“潮呢样嘢好难讲㖞！我嘅‘朝’同佢嘅‘潮’又唔同！每个人都有唔同嘅潮，睇下系边种潮啦！（着鸳鸯袜？）今日冇㖞！唔知几时会㗎㖞，等于几时想食咖喱鸡饭，真系唔知㗎㖞！”

梁朝伟多年来钟情帆船运动，亦参与推广一场即将在香港举行的帆船比赛，他更透露一件帆船期间的辛苦事：“佢哋预咗我会落去比赛，但唔知到时会唔会拍紧戏。同埋都好鬼辛苦㗎，我第一次喺匈牙利比赛咗七日，朝早六点就开始，同埋啲帆船冇厕所，要自己跳落水搞掂再上返水。”

关淑怡日前因病入院，有指正于深切治疗部留医，曾于关淑怡于王家卫作品合作的梁朝伟，表示未有联络关心对方的病情：“我同佢唔熟，所以都系睇新闻先知。”并表示仅于当年《春光乍泄》时合作过，一直未有特别保持联络。