张学友昨晚完成最后一场《60+巡回演唱会》，之后接受媒体访问，被问会否期待四大天王重组，张学友表示只想四大天王，成为大家心目中一个美丽的感觉或回忆，他说：“你想唔想见到全部都老哂？点解你会想见到啲老哂㗎呢？我谂喺大家心目中嘅四大天王，系𠮶个四大天王（意思是当年那四位)，我成日都讲四大天王只系一个时代嚟，佢只系一个时代，咁过咗之后呢？系我哋成日自己讲㗎咋嘛，其实即系仲边度有四大天王呢件事啫，大家都分开晒去发展，分开去做。”

“我其实好唔想停留喺𠮶𠮶⋯⋯第一，我哋冇自己叫自己四大天王，我唔代表其他几位，我哋自己其实冇话过，我哋自己系四大天王，只不过系当时个乐坛系咁，传媒都系，佢哋好叻𠮶阵时，我都估唔到做得起，以前又话三大家族，但做唔起，四大天王个名易记啲，之后做起咗，但佢只不过某个时代嘅嘢，我宁愿希望佢系一个美丽嘅感觉，美丽嘅回忆，我哋又唔系唔见，大家都见到我哋，我哋都成日走出嚟，黎明又就快开演唱会，阿王（郭富城）啱啱先做完（演唱会），即系大家一路做紧，大家都可以见到。”