TVB剧《夫妻的博弈》开播以来，不少观众焦点却落在马国明外貌上，皆因剧中他在镜头下皮肤光滑，脸上皱纹、毛孔，甚至过去的暗疮印都消失得无影无踪，皮肤异常“白滑年轻”，指为“十级美颜滤镜”，并在社交媒体引起一连串讨论。马国明今日（16日）到西九龙中心出席剧集宣传时，分享了自己看法。

回应十级滤镜争议　坦言预先不知情

对于网民指剧中滤镜太“重手”，甚至有人形容为“十级美颜滤镜”。马国明接受《香港01》访问时，笑言自己在播出前并不知情：“其实我未出街前我都唔知。你要明白，演员系唔会要求加呢啲嘢嘅，即系我做咗咁多年戏，如果要求加，我十几年前就加咗啦！”

马国明解释，这部剧的风格本身就偏向童话感：“可能呢套剧比较童话啲，你见我哋起音乐嘅时候有啲城堡啊、有啲动画喺度。我都话叶家谦（剧中角色）呢个人物系漫画入面先有，只会活跃于童话世界。”他透露，初初收到剧本时，觉得该角色简直完美得不真实：“佢一个富三代，又唔饮酒、又唔赌钱、又唔识女仔、又勤奋上进，完全冇任何坏习惯。现实世界应该好难揾到一个 exactly 同叶家谦一样嘅人，你揾到个七八成嘅已经好厉害。”

自言开头睇都觉得怪

谈到自己观看成品时有无吓一吓？马国明大方承认：“我开头都觉得有啲怪，因为我自己都唔知佢哋加咗filter。但我老婆（汤洛雯）就觉得冇乜嘢，因为佢睇惯咗啲内地剧同韩剧，其实内地剧同韩剧都系类似咁样。但我自己开头就有啲唔习惯，不过睇耐咗，当佢系一个童话咁睇又冇乜嘢。”

网民质疑AI修饰画面

除了滤镜外，有眼利网民亦发现马国明有时会“变样”，疑惑剧中是否使用了AI技术修饰画面或进行后期补拍。对此，马国明表示不知情，这个要问返监制。至于也有网民发现香港版和内地版，在同一场口竟然出现两瓶不同品牌的巧克力？马国明解释：“可能因为喺香港揾到啲赞助，呢个都系要问返监制，我知道佢哋后期有补Shot啲嘢啰，但我又冇留意边度系AI。”

谈TVB套用AI技术：最紧要善用

谈到日前处境剧《爱回家之三代同糖》运用AI背景引起热议，马国明持开放态度：“我谂嚟紧都系会用AI呢样技术，唔单止香港，世界各地嘅制作其实都会陆续用。当然要睇吓点样可以善用呢样嘢。每个科技开头用嘅时候，可能有些人会用得未系好习惯，或者未系好纯熟，但用用吓就会习惯。好似以前未有智能电话，之后突然有，你都要摸索一轮先熟。每个科技都需要时间去摸索，点样可以用得靓啲。”

直言“一定钟情实景”

被问到会否担心AI逐步取代真人演员，减少演出机会，搭台布景等幕后工作人员的生计？马国明直言：“如果作为一个演员，我当然希望唔好咁多（AI）啦，多啲人有工开嘛！但我又唔知佢哋AI用嘅百分比系点，因为我又冇每一集都坐喺度睇。不过呢个系大方向，尤其有啲景喺香港好难借到，譬如医院景、差馆景，一定系借唔到；但我哋喺内地拍，真系可以租到真正嘅医院。但香港系揾唔到，将来可能就要用AI辅助。”

对于有网民拿唐诗咏有份参演的ViuTV剧集《日落下的彩虹》作比较，赞赏该剧以实景拍摄出浓厚香港情怀，感叹这本是TVB过往的强项。马国明认为，应视乎剧种：“如果个剧系讲太空，咁当然要AI做啦；但如果套戏系发生喺屋邨，现实真系可以去到拍，我谂系两样嘢。当你问我，我就一定钟情实景，实景一定系最靓，但将来AI嘅投放系不可避免，特别系现实生活中拍唔到嘅景，一定需要AI去拍。”

首任港姐决赛司仪？　马国明回应：等公司公布

另外，谈到有报道爆出马国明将联同萧正楠和曹永廉，首度担任今届港姐司仪？马国明直言未知：“有传过，但其实我自己都未知！（想唔想试下？）我自己就麻麻地，因为我唔识做主持，不如等公司公布咗先啦，我都系听返嚟！（如果做使唔使经老婆批准？）唔使，都系工作嚟嘅，一切等公司宣布啦！”

回应太太孕味浓

至于太太汤洛雯日前出席杨明与庄思明的婚礼时，因身形及造型“又又又”被传有孕味。马国明轻松笑言：“其实佢成日都被传有喜嘅，所以呢个都唔系啲咩新闻。（因为有网民发现除咗个肚外，老婆头发都无补染，所以估有喜。）系佢近排唔得闲去染啫，咁呢排又唔需要太经常开工，所以咪唔搞。（唔心急生B？）随缘啦，我向来都系随缘。”