“视帝”陈山聪日前远赴加拿大多伦多，在一间当地酒楼进行表演登台。不过，有网民于社交平台分享现场情况，指出彩排时未见往日的“顶级排场”，场面略显冷清，因而引发讨论。尽管如此，陈山聪依然表现得极具专业精神，认真且落力地完成整个彩排过程，赢得不少赞赏。

回应加国酒楼登台“降格”传闻　展现专业心态

今日（21/9）陈山聪出席无线新节目《美食强人》的宣传活动，在接受《香港01》访问时，提及这次远赴加拿大登台“掘金”，陈山聪坦言是为了家庭与儿子的教育开支：“唔系‘掘金’，系要揾个补习费！因为阿仔开始上小学，上小学真系见到佢嘅功课同埋佢嘅日常都比较忙。都真系需要一个补习老师帮佢，因为我成日都唔喺度，尤其系唔喺香港，单靠工人姐姐或者太太，收工返嚟都未必好容易照顾到咁多，所以系需要有补习老师帮佢调节下，都好好嘅。”被问到儿子会否不舍得他经常出外工作，陈山聪笑言：“佢都唔知几想我出门啊！因为佢Free嘛！我唔喺度嘅话，佢可以睇电视、玩iPad。”

对于网民指他在加拿大酒楼彩排时场面冷清、缺乏顶级排场，陈山聪大方回应：“我觉得系咁样，彩排𠮶阵真系未见过有人喺度，同埋我从来登台彩排都唔需要咩排场。因为我哋𠮶晚系深夜十二点几，等所有客人走晒，我哋先至去试试声，系咁样啰。”

面对部分网民指酒楼Show“降格”的说法，陈山聪表示：“讲真，依家有嘢做已经好好啦！你谂吓，我哋𠮶个酒楼Show系唔便宜嘅，VVIP一直系讲紧二千几加币一围，一围台坐十个人，你可以计吓，讲真，真心𠮶句，作为艺人，无论去到边度都好，只要台下有观众嘅，边度都可以系一个舞台，唔需要理你系咩身份。尤其是依家我哋影视娱乐进入一个大家都知道嘅冰河时期，大家都真系冇咩嘢做，依家有嘢做，仲可以飞到去加拿大登台，系好感恩嘅件事。（歌酬几多位数宇？）其实唱一场大家都知几多，而家都倾紧年尾都可能再返去加拿大一次。我哋真心而家系即系靠呢啲嘢真系揾真银。（歌酬7位数？）我都想，哈哈！”

陈山聪更透露当地观众反应非常热烈，让他感到非常暖心：“最开心系可以见到好多嘅影迷，加拿大嘅朋友我谂二十年都睇咗我好多嘅电视剧，见到佢哋台下嘅反应，其实呢样嘢系令到我最开心嘅。”