谭咏麟《刻骨铭心世界巡回演唱会》Part 2情不变篇，今晚（22/9）举行尾场，去到尾段，谭咏麟正准备唱由李克勤及刘德华填词的新歌《我在意》时，见到二人在台下，即兴地叫二人上台。“你哋有听过嘛，识唔识唱㗱？一系，你哋上嚟个台，我兜口兜面唱畀你听，唔识唱就企喺度等我唱畀你听。”

三位在台上缔造经典画面，合唱新歌，而刘德华更在台上，表示代表现场所有人，当众向谭咏麟说︰“我求你吖，你继续唱啦，求下你。”更借用歌名加多两钱肉紧︰“我在意㗎，大家都在意。”而当唱到最后一句“最重要”时，华仔跟校长一个眼神交流，就令校长失守唱不下，只能哽咽地完成，并指住华仔笑说︰“写啲咁嘅嘢！”此刻华仔亦流下男儿泪。更带住泪水再向校长讲一次︰“求下你吖！”

校长又提到当年因为华仔有22套片约在身，经理人公司要校长以前辈身份，劝华仔迟一点才唱歌，拍多些戏为首要。谭咏麟︰“当时我同佢讲，如果你一定要唱嘅话，你一定一定一定要好勤力，竟然呢条友仔系勤力过我呀！”此刻华仔又打蛇随棍上︰“咁你为咩事系最后一次啫，你努力啲啦，睇下几时赢我！”此刻李克勤又帮口︰“你有话最后一次咩？唔系讲下啫咩？”最后三人难舍难离，在谭咏麟提议下合唱《朋友》，更承诺华仔12月演唱会时，会做嘉宾，跟他合唱由自己作曲的《下雨晚上》。