胡定欣今年离开TVB、邵氏后，除了结婚之外，亦重拾自己的歌手梦，早前推出新歌《未知也好》，歌曲希望为歌迷带来心灵鸡汤，亦是给与她自己的一个肯定，她说：“以前成日想但无做到，但今年我独立出咗嚟，我觉得唔好谂喇，想做就真系做啦。”

跳出舒适圈需要的是勇气，胡定欣今年2月离开TVB及邵氏，以自由身外闯，以往做好演员本分就可以，现在要从新适应，就连位置亦有落差，“⋯⋯角色未必系主角，咁自己都要调整心态，尤其内地市场，啱啱开始时候唔会系女主角位置，甚至系得几场戏。”但胡定欣心态正面，她觉得现在好像当年第一日入TVB，由零开始慢慢累积观众。

视后都要面对娱乐圈寒冬

影视寒冬，就连两届视后胡定欣都要面对，离开TVB后，亦明白外闯不容易，她说：“会感觉到大家近几年都唔容易，台前幕后都听到大家面一啲嘅状况，咁我自己身为演员嘅层面，当然希望会一个新景象，大家又可以继续去演戏，当然希望大继续有制作，大家有工开，呢个始终系我哋嘅专业，呢几年大家可能会有其他平台发展，对于我会觉得，每个人性格都唔一样，可能有人可以好调整到个心态或者性格可以去尝试另外一样，去做演员另外一样嘅嘢，但未必每个人都适合，未必有嘢开嘅时候，大家就出现迷惘状态。”

视后在内地未必人人认识
胡定欣在TVB曾经夺得两次视后，但现在平台太多，观众选择又多，即使妳是香港顶流，但因为竞争太多，光环亦不像以往般，胡定欣亦深明这道理，她离开TVB后，决定外闯，心态亦有调节，“喺电视台嘅日子，对于我嚟讲可能比较稳定啲，有稳定演出嘅机会，到你离开咗电视台，机会依然有，但系亦都唔系一个搏杀，一剧一剧嘅阶段，当中你又会有一种心态，因为惯咗一剧接一剧嘅状态，你好似唔使担心咁多嘢，妳继续拍就继续返工，你专注做好你嘅角色，演好你嘅戏，叫做工作mode上面你唔需要好担心。”

“我谂我啱啱离开，自己出嚟嘅时候，都有唔同嘅制作单位都有向我邀请，一定唔系以前嘅量咁多，又或者可能个角色，未必系一个主角嚟，咁你自己调整一下心态，尤其是返中国内地市场，仲系你啱啱开始嘅时候，你唔会系一个女主角嘅位置，甚至系可能得几场戏，你要调整自己嘅心态，咁你愿唔愿意尝试呢？你去一个新环境去尝试，等同你第一日入电视台，你都要累积观众，因为唔系个个都认识你㗎嘛，咁就真系要慢慢去融入喇，同埋俾大家认识你，我都开心今年五月嘅时候拍咗部电影，同鲍姐太保哥合作，希望之后都接到唔同角色。”