李凯贤（Brian）上月正式离开古天乐旗下天下一公司，结束8年合作关系后，决定单飞开设个人频道，投身饮食KOL行列。 他感谢古天乐给予机会，并盼新一年靠自己冲刺事业。

首集邀Sammi撑场 饮食节目打响头炮

离开后，李凯贤迅速推出个人网上节目，首集邀请天后郑秀文一同品尝烧味，标志他转型饮食界KOL。 节目以轻松试食为主，Brian展现多语言优势（精通英语、粤语、日文等），并融入个人魅力，吸引粉丝关注。 这是他在自媒体平台的头炮作品，预计将结合其他廿四味成员及演员背景，制作更多生活内容。

《夜王》被剪大谈睇Renci身材

李凯贤今日（25/2）现身旺角为《电竞女孩》分享会担任主持，他接受《香港01》访问时表示：“系个频道我都有同Sammi食嘢讲《夜王》，套戏好正，但听讲《夜王》啲正嘢好多都Cut晒，啲波好似Cut晒㖞。梗系睇Renci（杨偲泳）个波波，好多人都想睇Renci个波底。（咁你想唔想睇？）我冇乜所谓，我唔使嘅，我系睇故事。”

拍亲热戏要真实

李凯贤续说：“我觉得如果要做，就要做尽，你唔好同我呢个企呢度𠮶个企𠮶度，然后我哋做紧爱，系要真实啲，如果就唔好做，你唔好喺侧边就镜头，你系要去做。不过我真心觉得《夜王》系好睇嘅，我系撑嘅。”

夫妻互动实况

被问到给你演尺道可以多大？李凯贤笑言：“其实都要睇个内容，不过对手呢个都好紧要啦。（会唔会同老婆预先排戏？）我想排嘅，但结咗婚二十几年要择日子，例如听日就let’s go。你估仲系十八九岁咩，煮蛋嘅时候就嚟咩，又唔同煮煮吓饭又咩咩。（咁新年有冇择到好日？）未呀，好忙，因为阿女放假系好难㗎，你哋知唔知㗎？屋企又唔系二万几呎，唔通喺隔离哎呀哎呀，真系要睇环境，你都唔知我几想佢返学。（帮佢报多啲班！）我已经报到尽啦，扣税已经都攞咗好多。”