前港姐邱晴（Mandy）早前为 HOY TV 旅游节目《女行团》赴越南富国岛拍摄，当中一幕穿上比坚尼浸泥浆浴的画面引起网民极大回响，被指震撼度重现当年高海宁的经典名场面。面对网民对其性感尺度、容貌变化以至经济状况的种种讨论，邱晴接受《香港01》访问时逐一亲自拆解。

震撼水著引回响

对于节目效果被指太大胆，邱晴坦言自己亦有点吓亲，但强调一切是配合节目需要，并透露自己有意向旅游博主方向发展：“拍𠮶阵时其实都唔觉得话好大胆，估唔到大家有咁大嘅回响，我都有啲吓亲。我觉得最紧要带到节目效果比观众，吸引更多人关注我地《女行团》，一来导演同制作组都好专业，我绝对相信佢地嘅触觉。二来自己一路都想向旅游博主呢个方向发展，所以唔担心会话太出位。都系喺适当嘅地方著返适当衣著，跟返节目需要，配合返个场景。”

旧泳衣被网民点相

有眼利网民发现，她在节目中穿著的黑色泳衣，竟与几年前出写真时的款式相同。邱晴大赞粉丝细心，更幽默回应“旧衣重穿”的原因：“留言嘅肯定系粉丝呀咁眼利，一定要多谢佢先。咁多位观众朋友好眼利㖞，其实我平时好少著泳衣，好唔钟意晒太阳，又麻麻水上活动，所以屋企泳衣都系𠮶几件。所以大家重点应该放喺我保持到身材仲著得落呢一方面，哈哈。但系我有为咗呢个节目特登买咗件新㗎，未出场咋。”

外貌升级全靠两招

人红自然惹来变样及整容疑云，邱晴正面粉碎传闻，将外型变化归功于勤做运动与化妆技巧的进步：“呢几年做多咗运动，发现对成个外型都真系好大帮助，面部嘅线条都出咗好多，提提大家运动真系好紧要。而且我化妆嘅技术又好有进步呢。”

离巢大台曾感徬徨

谈及离开大台（TVB）后的生活，有不少人关心她会否面临“三餐不继”的窘境。她大派定心丸，澄清未至于穷到㶶，亦分享了离巢初期的心声：“啱啱离开咗大台𠮶阵都几徬徨㗎，好多人以为我唔接job，𠮶阵时留多喺屋企同妈咪一齐煮饭仔，算系学识咗煮嘢食同钟意咗行街市，都同妈咪相处嘅时间多咗。我之前都有啲储蓄同小小嘅投资，又未使靠妈咪养我，悭啲使应使则使，屋企嘅开支都系大家一齐承担。”

默默耕耘挑战多栖发展

事实上，邱晴一直默默尝试不同领域的工作，除了实现做旅游节目的心愿，亦有涉猎体育及长者节目主持：“呢段时间主要都系试下唔同嘅工作，同埋学左唔同嘅技能，好多谢hoytv畀个机会我试下旅游节目，因为我本身都系一个好钟意去旅行嘅人，做旅游节目系我一直以嚟嘅心愿，今次节目都学到好多嘢。其实我一直都做紧幕前嘅工作，之前一直做开儿童节目，咁啱香港电台有机会畀我做体育嘅主持工作又有同长者互动嘅工作，都系一个几好嘅挑战。”

最后，她坦言对重返幕前感到紧张，并承诺会继续进步：“与其讲感觉，不如话好紧张，会担心自己做得唔够好，好似今次睇返自己第一集节目同埋睇到粉丝网民嘅意见，都认同要加强返对镜头讲故事嘅能力呀，亦都好希望观众能够认识到真实嘅我。”