林家谦演唱会｜邓丽欣现身合唱《十分爱》　爆6岁渴望爱情掀高潮

林家谦《White Summer》演唱会来到第4场，邀请邓丽欣（Stephy）作嘉宾，两人从一个大礼物盒中登场，合唱《十分爱》，瞬间点燃全场观众的气氛。

两人合唱完《十分爱》后，林家谦难掩兴奋之情，对著邓丽欣坦言：“多谢你 ，我愿望成真啦，我有个梦想就系可以同你唱《十分爱》呀。”邓丽欣好奇追问：“你之前提到细个𠮶阵，细个系咩？依家讲吓。”林家谦回应：“我细个唱K成日唱呢首歌啰！以前只系同听单声道版本合唱，今日终于同‘行走’的单声道合唱！”邓丽欣随即笑问：“细个即系几岁？”，林家谦超速转数回答：“6岁就渴望爱情呀，哈哈哈，冇咁细，我唔系 MC（张天赋）。”引发全场大笑。

邓丽欣于台上多谢林家谦早前为她写了《戏一场》，她说：“好开心收到家谦为我创作嘅《戏一场》，帮我写呢首歌，佢不单出嚟同我倾偈，又细心问我想要啲咩，又好快就写好，个Demo版本已经好好听，我成日系屋企‘J’（反复聆听）首 Demo , 依家都系我个Playlist度。”林家谦受宠若惊说：“吓？ Stephy‘J’我𠮶啲......哗！咁好，多谢多谢， 受宠若惊呢个， 可以写上Wikipedia（维基百科）， 比Stephy‘J’我啲歌 。”邓丽欣笑问：“咁下次再多多合作啦！”林家谦火速答应：“得呀，我哋合唱都得。”

之后二人再合唱《心急人上》，将现场变成大型卡拉OK现场。林家谦分享：“呢首都系我童年回忆，以前同表姐们系K房一定会关灯跳唱呢首歌呀。今日表姐佢哋都有嚟呀，叫埋佢哋一齐跳，哈哈！”邓丽欣则笑道：“我今日就系想睇你跳舞！上次你红馆演唱会，我有嚟睇呀！你啲舞蹈，真系睇到我‘哗哗’声，哈哈哈！”