林家谦演唱会｜宣萱做嘉宾为“无心插柳”　张栢芝极速应承狂练歌

林家谦《White Summer》一连10场红馆演唱会于昨晚（31日）圆满结束。完骚后他接受传媒访问，期间当然不少得被问到重量级“姐姐”嘉宾名单，今晚尾场嘉宾为宣萱，家谦解释到4、5场演唱《普渡众生》期间，钢琴出现意外未有升起，家谦情急之下要继续说话暖场，他说：“我谂起死啦，讲咩好呢？醒起我𠮶日我睇宣萱𠮶番说话，我储低咗，因为觉得同我嘅演唱会主题不谋而合，我可以分享畀大家。无心插柳地谂起可以邀请宣萱嚟睇呢，见起佢之前访问有听我嘅歌。咁又谂，咦，佢有听系咪识唱呢？唔问又唔知，问咗佢又Ok㖞。唱咩呢，佢话《难兄难弟》，我话我6岁就系睇《难兄难弟》。”

家谦为歌迷准备了一个小小的“惊喜”，唱完《四月物语》后盲盒打开，正当大家满心期待尾场嘉宾时，盲盒内却空无一人。家谦指是故意设计，“盲盒打开冇见到嘉宾，所有嘅Twist（转折）嚟。有时大家满心欢喜，以为今天好好天，突然杀出雷暴黑雨，有时打开个盒系‘吉’嘅，呢种落空嘅感觉最想喺最尾一场畀到大家。”他又体贴考虑到宣萱从舞台现身或会太大压力，故安排她从观众席上台较轻松。

说到众位“姐姐”之中，哪位令家谦最有惊喜，家谦直言是张栢芝。家谦透露张栢芝是他人生第一次买碟的女歌手，抱住一试心态邀请对方，没想到栢芝一口答应，他说：“我当时抱住20%机率希望，问吓啫，问吓冇坏嘅，一问咗佢即刻Ok咗，仲好重视呢件事添，成日追住我嚟攞MMO（伴奏）、点样练呀。可能太耐冇唱歌，想准备得好啲。当日听到佢唱，哗一声！”家谦称栢芝亲自挑选《任何天气》，他解释：“只歌佢拣，作为一只旧啲电台歌，点解要争取呢只歌，系有原因，今次佢想喺呢个舞台度带住呢份意义唱呢只歌。”家谦感恩说：“很庆幸有呢啲姐姐陪伴我童年。”至于杨千嬅任嘉宾惹起部分歌迷微言，家谦则指没有看到相关留言。

另外，家谦今次开骚大感满意，给自己10分满分。问到头场出现较多舞台失误，他承认见到歌迷留言确实有不开心，但最后乐观面对，他说：“太多机关要配合，每一只歌都唔同，非一般嘅复杂。第一晚见到大家回馈我自己系有少少唔开心嘅。整理（心情）后要吸收消化，谂谂有啲位未系做到最好，点样再调整呢？钢琴无电又系控制唔到，彩排唔会预计到，唔需要怪责任何人。去到第2、3场见大家钟意清唱，试吓清唱成段。小小意外令我有得著同启发我改编曲。”问到高空机关装置申请过程，家谦透露亦有一定难度，“都颇难，申请好多程序，好后期先确定去做。”尾场开直播，家谦指想添添新意，“最后两晚谂到开IG Live会唔会好玩呢？好似未试过有歌手红馆开骚同时开Live。”

谈到开骚前失声，家谦说：“8月睇咗4、5次医生。瞓唔到，把声又唔好，恢复唔好，愈嚟愈心急，练唔到歌，有少少无助。（几时开返声？）11号先开返声。”昨晚破例安歌，他说向来没有安歌习惯，但见到观众坚持留下，故决定留低锡爆歌迷，他说：“头先见到好多朋友完全唔走，我太过好心就心软咗。”

9月3日生日的家谦幽默指要去长洲庆祝。好友Tyson Yoshi现身尾场，问到Tyson Yoshi约了家谦食生日饭未，家谦再搞笑说：“人哋有老婆仔女。（哗！）咁讲啫，未知系仔定女，猫都系仔仔嚟㗎嘛！”