关智斌曾被批唱歌难听靠面皮厚入行　演唱会分享成长蜕变丨专访

相隔6年，关智斌（Kenny）再次回归香港舞台，将于9月26及27日于启德体育馆举行《The Endless Adventure Live in Hong Kong》演唱会。今次不是以Boy'z 名义，而是以个人身份登场，Kenny参与整体概念设计，舞台灵感源自经典童话《小飞侠彼得潘》（Peter Pan），跟歌迷分享他入行22年的成长蜕变。

单曲《永远的彼得潘》盼做永不长大的孩子

“概念几年前已经有，而家有能力执行。我之前出咗首单曲《永远的彼得潘》，今次呢个project（方案）就系想用一个Peter Pan嘅故事代入自己一啲成长嘅经历，想观众有共鸣。演唱会会以一个梦幻岛形式进行，因为Peter Pan系住喺Neverland里面，𠮶一晚希望各位观众都能成为一个永不长大嘅孩子，一齐投入呢个世界”。

Kenny初出道已被赞“靓仔”，但男校出身，完全不爱打扮，他自言对靓仔完全没有概念，“读书时期我系戴住副金丝眼镜，依家望番发型仲要好薯仔。但我对表演系有兴趣嘅，仲记得人生第一次演舞台剧，读紧中学扮一个井，真系好抽象。”

入老板杨受成房间即想下跪

Kenny大学修读电子工程，曾赴加拿大继续深造，但后来知道爸爸的越南餐厅生意出现困难，未经父母同意就“先斩后奏”回港。偶然机会下参加港台的电视剧《Y2K+01》，结果被英皇经理人Mani霍汶希看中，首次面试便直接带他入老板杨受成的办公室，“我仲好记得老板间房好有气势，入到去就好似想跪喺度𠮶种感觉，好似小朋友咁样，但我又唔惊㖞，𠮶阵时我唱咗首难度好高嘅歌，我以为表现得好好啦，后来问返Mani‘咦，你系咪觉得我唱得好好，所以签我？’，跟住佢答‘梗系唔系啦，你唱得好难听，不过贪你面皮够厚’，呢个系我同佢之间嘅一个笑话”。

单飞发展后人气急跌

2003年，当时22岁的Kenny与张致恒（Steven）组成男子团体Boy'z正式出道，但短短两年便解散，Kenny要作单飞发展；这对一个组合出身的人来说，简直是“患得患失”的人生大考验。Kenny直认当年“斗心与知识”不足，很多事情视之为理所当然，人气愈跌愈低，“当你冇新鲜感俾观众，观众系会慢慢离开你㗎啦，佢哋会转移寻求一啲更优质嘅偶像歌手，𠮶阵时我嘅唱片销量跌冇乜人听，歌又上唔到榜，公司就觉得你不如停一停先。”

酒吧骚被观众高处掟杂物

停一停，转眼便两年。Kenny当年靠着每月返内地做一、两场酒吧骚“吊住命”，学懂四両拨千金应付“江湖猛人”不停队酒，当中更有一些趣事分享，“几得意，有次酒吧个台好似一个窿，啲人坐晒喺上面好似斗兽场咁样，观众喺高位望住我哋（与张致恒），咁个台系会升上嚟唱歌，但突然之间feel到啲人掉嘢落嚟，我见有纸巾呀、零食呀，连酒杯都有，跟住我哋就嗱嗱临匿返落个窿𠮶度就走咗嘞”。很多不为人知的经历，总算有演出机会，够食饭交租，但Kenny突然醒觉问自己：“真系想以后都系咁样？”

靠《追鱼传奇》内地爆红翻身

机缘巧合下，一位香港导演找Kenny返内地拍电视剧，虽然全部都是坏人角色，如吸毒者、强奸犯、变态色魔等，但Kenny没有介怀，并视为演技的磨练。因工作态度认真，让他遇上在湖南卫视播出的古装神话剧《追鱼传奇》，“本来我唔系𠮶个男主角嚟嘅，因为男主角甩底，有导演就话不如揾关智斌啦，演过强奸犯啲戏都几好，又唔迟到早退，又唔麻烦，就嗱嗱临叫我补上，冇谂过呢部电视剧令我突然之间喺内地好受欢迎咁啰”。

“不老男神”预告演唱会骚肌

44岁的Kenny被封“不老男神”，未有出现中年危机，身材更愈操愈fit。早前Kenny在中环海滨举办的“国际热气球节”音乐会上，表演期间兴之所至，当众脱去上衣，大骚钢条般的胸肌与六块腹肌。谈到演唱会的露肉尺度，他笑说：“自己做咁多运动，观众亦都睇过，而家好似系一个男歌手嘅标配咁样，冇呢啲嘢好似就顶唔住....但我自己又钟意放喺个show里面，睇吓点喺适当时候呈现出嚟，大方少少啦！”

点击睇更多关智斌靓仔相：