阿Lam林子祥78岁生日跟叶蒨文（Sally）的演唱会第四场瞬间变成生日派对。全场八千观众跟阿Lam齐齐贺寿，更有连环惊喜兼笑料百出。洪金宝、陈奕迅等群星贺寿，仔女孙女全家突袭，阿Lam感动到流下男儿泪。

演唱会每晚唱完《零时十分》例牌有生日环节，而今次寿星公是台上的阿Lam！当Sally问观众今晚有边个生日时，“我好似识一个人生日⋯⋯系你！”随即爆出故仔，“我𠮶阵第一次唱《零时十分》，问佢乜嘢意思，佢话：‘林振强咁写嘅，我唔知㖞。’跟住佢唱《十分十二吋》，我又问乜嘢意思，佢又话唔知！你讲啦！”阿Lam即谓：“总之我而家个车牌都系1012！”全场即刻爆笑。

叶蒨文爆料林子祥搞笑对话

Sally继续大爆阿Lam生日上午的搞笑对话：“我同佢讲Happy birthday，佢竟然问‘我今年几多岁？系咪77？’我话No！It was last year！”全场笑到碌地。阿Lam尴尬叫停：“唔使讲咁多啦！”但Sally坚持要讲：“你有冇试过生日有咁多人同你唱生日歌？”随即带领全场大合唱。接着台上大屏幕播出重量级祝贺片，包括刘德华、郭富城、杨千嬅、李克勤、容祖儿、许冠杰、洪金宝，连运动员林丹同导演贾樟柯等，绝对是粒粒巨星。

林子祥生日仔女孙女全家到场，阿Lam感动到爆流下男儿泪

正当以为惊喜完，Sally话：“仲有你识嘅人！”儿子林德信同太太即刻抱住孙女林明上台，孙女仲锡锡爷爷，甜到漏！Sally哽咽透露更大惊喜：“个女April啱啱喺美国飞返嚟！”原来阿Lam完全被蒙在鼓里，父女相拥场面感动到爆，流下男儿泪。切蛋糕时Sally问要不要再唱生日歌，阿Lam搞笑耍手：“唔使啦，咁样样仲点唱歌啊？”最后神来一笔：“最大嘅surprise就系生日我可以放假！我唔使再唱啦系咪？”引得全场观众再次爆笑。

陈奕迅惊喜现身合唱《数字人生》五体投地

惊喜一浪接一浪，演唱会尾段，前来观赏的Eason陈奕迅突然惊喜现身舞台，令阿Lam及Sally惊喜万分！三人更于台上合唱《数字人生》，由于歌曲节奏是愈唱愈快，唱完后，Eason五体投地、甘拜下风问二人：“你哋点做到？”十分搞笑。完show后，阿Lam跟Sally返到后台，主办及工作人员送上几个蛋糕，为阿Lam庆祝生日，这个12点前的惊喜，阿Lam照单全收，多谢大家的祝福。

而今晚捧场的嘉宾有张艾嘉、洪金宝及太太高丽虹、陈奕迅及母亲、曾志伟、周国丰、黄博及张王幼伦。