陈蕾近日推岀新歌《天损之人》由陈蕾亲自作曲填词，崔展鸿编曲与监制。新歌如同前作《伸缩自如的爱》，歌名灵感同样源于陈蕾很喜欢的一套动漫里的招式。在面对冲突上与其迎战，有时候可能更想悄悄地逃走避开这些纷扰。不止单单带出漫画本身，更是代表了一种人生态度。

新歌ＭＶ特意邀请日本演员及模特儿饰演一班“天损之人”，他们都是往往被“失败”找上门，例如打棒球时屡次挥棒落空、打桌球时往往总是“打入白波挞死”等失败事迹，但他们没有因此被击败，反而更自得其乐，互相安慰，互相支持，发挥出 “我不入地狱谁入地狱”的“我啦！我啦！”精神。

陈蕾分享当初歌名并不是《天损之人》，她说：“《天损之人》呢只歌嘅灵感都系来自于动漫《Hunter x Hunter》里面嘅招式叫做“天上不知 虽我独损”，当时就觉得呢一招好有型！所以就想用嚟写歌，不如写一首觉得好似被选中嘅人咁，所有黑仔嘅野都系比我遇到！“哗！又系我呀？！咁黑仔嘅！次次当灾嘅𠮶个人都系我嘅？！”嘅歌。而新歌所讲嘅𠮶个应对方法就比较似系我自己嘅处理方式，因为我觉得我自己系一个“怕事”嘅人，所以我通常遇到一啲是非或者需要争论嘅情况我就会选择回避啦！系回避唔系逃避！因为我唔想去正面交锋，正所谓“相嗌唔好口”阿嘛！无谓大家一人一句伤感情啊！咁所以我就会选择用沉默去应对呢啲情况！令到件事情个火苗系𠮶一刻慢慢熄灭，同埋问题发生嘅当刻最紧要就系解决咗个问题先，所以好多时都会“唉，我啦！我啦！”，然后希望有机会大家都理性嘅时候再攞出嚟沟通。我同公司交歌嘅时候系用《天上不知 唯我独损》做歌名架！不过最后同事觉得呢个歌名有啲难记，所以最后选择咗用《天损之人》做歌名，短啲又易记啲。”