艺人卫兰（Janice）近日为世界巡回演唱会周围飞，她预告香港将是尾站，并正准备全新广东歌及制作给乐迷惊喜。Janice更希望前老板黎明（Leon）能答应担任嘉宾。她亦分享巡唱时曾因幸运物熊仔公仔“失踪”而极度焦虑，幸好只是虚惊一场。

正为世界巡回演唱会周围飞的卫兰（Janice），早前抽空拍摄润喉蜜广告，卖口乖表示是品牌忠实Fans：“好开心，因为系个好经典嘅牌子，我唱歌之前，一定要饮润喉蜜，尤其演唱会𠮶阵必须要带喺身。”Janice笑指多年来保养声线全靠该品牌的润喉蜜，同时亦坚持优质睡眠习惯：“瞓得好、休息够好紧要，我每日都要开声，做啲声带放松同练习。”

Janice指除了润喉蜜是她的“巡回必备”，还有视为幸运物的熊熊公仔：“今次成个巡回都带住佢，有次喺酒店房发现唔见咗，我即刻好焦虑，打畀经理人讲‘唔见咗熊仔，系咪畀人偷咗？’𠮶时好惊呀，好彩揾得返。因为做巡回会好挂住屋企，所以我去边都带住佢，每晚同佢瞓、陪我。”她又谓这次拍广告，亦有令她非常安心的拍摄：“见到Sunny（刘翁）好开心，佢带出我最好嘅一面。我知佢宜家有做导演呀，有机会可以揾我拍爱情片，要浪漫𠮶啲，哈。”品牌更邀得YouTube Channel香城映画的赵罗尼担任广告导演，Janice大赞对方非常专业：“我好钟意呢个景，好有情怀。”

完成广告后，Janice继续巡回演出直到最后一站的香港：“我始终都想香港系最后一站，因为香港系我屋企，留返最好嘅嘢畀呢度。我会为香港站做啲特别嘢，宜家录紧新歌，系广东歌嚟嘅，希望仲可以有英文歌、国语歌，仲会准备新编曲、新衫、新嘅美术设计。”问到邀请黎明（Leon）担任香港站嘉宾的进展如何？她笑谓：“我都好想，我会揾佢嘅，希望Leon见到呢个报导会应承我。”未来Janice以出碟为目标，她说：“我系一个歌手，真系好耐冇出过碟，好想再出碟，然后用呢啲歌再巡回、唱大啲嘅场地，去唔同地方唱畀大家听。”

自去年开始，以独立歌手身份重新出发的Janice，直言“好多嘢要靠自己”，令她学懂要主动点。事无大小都是自己决定，Janice说：“近年都周围飞，我觉得有机会就要试，边度有门打开就去啦。”她坦言有时难免感到迷茫，幸好有信仰支持：“自己有好多嘢谂，会觉得我决定嘅嘢系咪适合、系咪最好？我成日都觉得好似仲未够好，但系冇嘅，做好过唔做，停喺度都唔知做咩，所以都系做啦。当攞个经验，大家知道想要咩，下次再做好啲。我相信上帝会有安排，跟随佢就有平衡。”

巡唱以外，Janice又与钟舒漫、王君馨等好姊妹们自设Podcast Channel“Better Together Hong Kong”分享生活点滴：“我哋自己出钱做㗎，大家都攞个心出嚟，希望更多人认识我哋嘅信仰，因为都系信仰拉埋我哋，分享多啲希望畀人。”