本年度乐坛第一张成绩表《新城劲爆颁奖礼2025》今（27日）在会议展览中心举行，而歌手李幸倪（Gin)一共夺得三奖，包括“劲爆网上最受欢迎女歌手”、“劲爆歌曲奖”、“劲爆女歌手金奖”，成为得奖最多的女歌手。

而在接受传媒访问时，她就大表开心：“我觉得今年系好丰收嘅一年，年头出咗碟，今年派咗四首歌，过两日又有新歌推出，跟住又有演唱会，所以我系好努力嘅，二努力得到好嘅回报系非常之幸福嘅事情。”续问到现时演唱会准备如何时，她就二话不说：“而家排紧舞，睇紧流程。（会唔会有咩突破？）会有一啲新嘅元素，除咗大家熟悉嘅情歌之外，今次都有劲歌热舞部分，（有性感部分？）必须要有，大家嚟睇就知会有惊喜。（为咗性感会唔会注重身材？）一定要，（嘉宾方面呢？）到呢一刻为止都未落实，未确定会唔会有，都有机会冇，但系好难讲，突然间一个surprise，到时就知。”

提到成为唯一一位女歌手代表，以《白夜行》一曲入围“叱咤乐坛我最喜爱的歌曲”十强，但走势持续在变，最终五强不入，她表示已觉自己有进步，会继续努力。 而提到《全民造星6》决赛即将在即，她表示：“大家都一齐行咗成年时间都好唔容易，终于都去到Final。”强调好开心可以陪一众参加者走这段路。

另外，同公司的女子组合VIVA夺得“劲爆组合银奖”，成员之一的Carina就表示：“我哋四个都非常之开心，今年我哋出咗两首歌，我觉得我哋四个有更加好嘅感情，我哋会继续努力。”续问到接下来有何计划时，成员之一VaIC就表示现正开明年的歌会，在讨论明年团体要走甚么样的风格，望明年主打唱跳。