本年度乐坛第一张成绩表《新城劲爆颁奖礼2025》今（27日）假会议展览中心举行，而华纳唱片与新城破冰之后，就一共夺得14.5个奖项，在接受传媒访问时，提到破冰后有如此佳绩，洪嘉豪就笑言：“呢啲完全不唔到我哋控制，我哋都系员工嚟嘅啫。”在旁陈蕾就表示：“我直程觉得应该交返畀华纳高层。”让高层们作答。

而在该颁奖礼中，张天赋（MC)就夺得“劲爆歌曲奖”、“劲爆男歌手金奖”、“劲爆年度专辑”，他在受访时非常开心：“再一次多谢华纳，呢啲系华纳嘅功劳，同埋合作过嘅监制，曲词编监。”还不忘感谢粉丝。续问到拿那一个奖最开心时，他就二话不说：“专辑奖最开心，因为呢一个唔单止系一个人嘅成果，系一Team 人嘅成果，无论系专辑嘅影相设计、甚至乎每一首歌合作过嘅单位，我觉得要所有嘢加埋先至能够成就咗呢个奖，所以呢个奖系最开心。”

张天赋患肠胃炎变瘦

另外，有记者朋友觉得张天赋好像瘦了一些，他就笑言可能因为肠胃炎所致：“前晚半夜肚痛跟住就呕，辗转反侧屙呕七、八次，跟住琴日去咗医院打针，因为今日要出席颁奖典礼，所以要最佳状态见人。我谂可能同时间亦排咗走好多水份，所以今日特别瘦削。（系唔系食外卖导致？）唔系呀，我估一系食咗生蚝，一系就系食咗肥猪肉。”

洪嘉豪首夺“劲爆唱作人银奖”

至于首夺得“劲爆唱作人银奖”的洪嘉豪亦非常开心：“我都唱作咗七年，第一之攞唱作人奖，坦白讲我觉得今年做得咁尽系需要有个奖项去鼓励吓自己，可惜尽咗力都搞唔掂林家谦。” 而该奖项亦为他打下一支强心针。

Gareth.T“叱咤乐坛我最喜爱的歌曲”被踢出五强

凭歌曲《用背脊唱情歌》夺得“劲爆年度歌曲奖”的汤令山（Gareth.T)都非常开心：“十分之开心，多谢大家咁钟意呢首歌。”续提到该歌曲在“叱咤乐坛我最喜爱的歌曲”被踢出局，未能成为五强之一，他就表示：“我觉得冇乜嘢，做音乐系为咗做音乐，咁多人钟意呢首歌，大家畀机会我唱呢首歌已经好开心。”