“当我抱住佢，佢真系一部份嘅我㗎，同埋系我太太㗎！It’s so emotional！”林奕匡（Phil）在2024年正式成为人父，人生列车亦随之驶入新一站。近日他接受《01娱乐》专访，大半个小时的访问之中，上述这句说得兴奋莫名的话，成为最令笔者触动的一刹，甚至在毫无预警下被击中泪腺，因为我完完全全能想像到，这位新手爸爸第一次把小生命捧在手心里，那种难以言喻的神奇与震撼。就连访问结束后，他仍乐此不疲地向记者展示手机里的BB照片，一说起便笑到见牙唔见眼，笑容里洋溢出来的幸福，相信即使未为人父母者，也必定感受到这份喜悦。
只是，当生活看似稳定、家庭圆满，有朋友恭喜他：“好戥你开心呀，依家可以差唔多半退休状态。”之际，Phil却坦言介意被误以为半退休、唔忧做，更感到难以向他人表达自己在歌手与父亲角色间的拉扯。旁人能轻率说一句“上咗岸”，是因为很少人看到，Phil是在关灯哄完孩子入睡后的深夜，才能把时间一点一点挤出来写歌。一直以来，他或许给人一种没什么野心的感觉，但那绝非不在乎事业，他对音乐、对奖项有期许，不过做了爸爸后时间确实更有限，不想错过孩子成长，代价就是工作列出比以前驶慢了点。
然而，慢不等于停下脚步，在近日推出新碟《The Next Station》之际，他竟发现自己已累积超过100首创作，有写给别人，也有写给自己。这个数字，令Phil意识到自己已走得比想像中更远，也让他开始订立下一站的目标，希望在真真正正退休的那天前能够完成。
服装：COS
形象：Syan Leung
化妆：Carmen Chung
发型：Kenki Lau

坚持推出实体专辑　是仪式感也是对自己作品的尊重

新专辑取名《The Next Station》，寓意人生如列车，驶过不同站台。Phil说：“呢张专辑点解叫呢个名，因为人生都好似一个列车咁样，会去唔同嘅地方，有唔同嘅站，唔同嘅stage嘅人生。我真系经历过几唔同嘅station，由当时纯粹只系人夫，而家变咗人哋嘅爸爸，喺人生嘅体验里面，都几大变化。”

在串流音乐主导的年代，人人听歌都用电话，连Phil自己的车都没有CD机，但他依然坚持推出实体专辑。这不仅是为了回馈核心歌迷，更是一种仪式感。“某程度上，做音乐唔系净系for你嘅最核心嘅fans，但系如果唔特别去做一啲嘢for佢哋嘅时候，其他嘅乐迷，或者疏啲嘅朋友，又点可能会知道你嘅存在，或者识得去留意到你呢？”Phil认为身为歌手，自己都要先尊重、相信和喜欢自己的音乐，继而推出一张自己感到满意和自豪的专辑，再将他传播开去，让歌迷和更多人听到：“虽然成本上一定系贵，尤其是当大家而家都系喺streaming嘅平台听歌为主，我自己都系，我架车都冇CD机嘅，但系系一个好重要，亦都系好值得留念嘅一件事，因为当呢个世界越嚟越去digitalize（数码化）嘅时候，更加要识得去Treasure（珍惜）剩余嘅physical嘅element（实体元素）。”

初为人父头三月日日喊　打开从未想像之喜悦

倘若把Phil 40年的人生分成不同车站，这几年最大的分水岭，无疑是从人夫升格至人父，仿佛打开了一个全新世界。他喜上眉梢地表示：“其中一个最大嘅Difference系我做咗爸爸，我觉得好神奇嘅，好多人都讲话做咗父母系会特别开心，攰同埋辛苦系绝对系嘅，但系𠮶种开心喜悦，al least，for我，远远超越过我自己想像，好似打开咗道门，原来人生仲有咁大嘅空间我未体验过㗎！我唔知道佢存在呀，Wow！我系人哋嘅仔，我受咗好多年，感到人哋嘅爱，人哋嘅支出，as一个全部接收，但系第一次系以一个爸爸嘅身份去付出返爱，仲要系无条件嘅爱，系咁样嘅。”

从Phil的片言只语，也绝对感觉到他父爱何其澎湃浓烈，Phil更坦言在儿子出生头三个月，自己几乎天天都在哭，因为感觉实在太神奇、太难以致信了，他表示：“正如我头先所讲，个个都咁讲，做咗爸爸妈妈系会好开心㗎，但系有啲人都话，其实系咪真系咁开心呢？ For我嚟讲系我真系都期待咗好耐，我好期待𠮶一刻，甚至有谂过⋯⋯有可能未必做到爸爸，you just never know，真系冥冥中安排。不过真系当我抱住佢，佢真系一部份嘅我㗎，同埋系我太太㗎！it’s so emotional！”不过Phil当然不会“要仔唔要乸”，在BB出世后，他每日都向太太表达感激之情，认为似乎如何道谢，都不足以答谢太太将BB带到这个世界的伟大，也因此，他希望这个他和太太的“结晶品”，无论如何都健健康康、快快乐乐地成长，这便足矣。

想做Super Dad却力不从心　叹育儿必先有时间本钱

虽然沉浸在父爱的喜悦中，但现实的育儿挑战却接踵而来。Phil鼓励大家生育，却也语重心长地提醒要有充足的准备，生BB后开支一阔三大，不少年轻夫妇比以前还得更拼命工作赚奶粉钱，但换来的却是要牺牲跟BB见面相处的时间，Phil目前也仍在摸索如何分身：“你要去工作，同埋抽出时间去照顾佢，有时真系冇可能相同一齐同时发生，你要攞𠮶个balance，it’s really really hard！我有时真系自己好想陪仔仔多啲嘅时候，工作上嘢又pile up（堆积如山），有时熄灯氹完佢瞓觉，我先可以去写歌，写写吓，天光喇？佢起身啦已经？”

Phil很想做一个“Super Dad”，但现实就是力不从心，身体告诉他自己没有这样的精力，而Phil知道这是不少父母面对的难题，因此也只得好好去建议和计划：“去做一件事，当你个preparation够好嘅时候，你就有多啲时间同埋资源去享受𠮶个阶段，因为一个小朋友头𠮶两三年时间，每一日都系好重要！以一个成年人两三年时间计，你问我而家同埋三年前嘅分别，除咗做咗爸爸之外，差唔多啫；但系对佢哋系好重要，所以你要有𠮶个本钱，时间嘅本钱去抽出嚟陪佢，你先可以做呢个选择，sounds so hard，真系it’s really hard。”

被以为“半退休”感介意　深宵写歌力证在乎音乐事业

Phil所谈及的挣扎，甚至令歌迷对他有了误解。外界看他生活无忧，除了才华和工作，亦拥有一个美满家庭，甚至以为他已经“上岸”。Phil 苦笑说，有时自己“Emo”（情绪低落），却不敢宣之于口，免得被以为无病呻吟，他续说：“有时唔开心嘅时候，当大家全世界都讲紧‘我好戥你开心’，你同人讲其实我呢排唔开心，好似好唔啱feel。同埋我本身个人比较乐观，我唔惯好似好放负嘅感觉，我平时啲放负都系对住啲哑铃‘呀！！！’又或者系用其他方式去发泄。”

最让他感到无奈的，是连朋友都以为他安于减产做凑仔公和叹世界，他说：“会有好多唔同嘅朋友甚至系歌迷都会话，好戥你开心呀，依家可以差唔多半退休状态咁样，just enjoy life！”然而，这些人却看不到他半夜挤出时间写歌的劳累，Phil澄清：“其实我唔系半退休状态，我亦都真系好努力想去继续做好我嘅音乐，亦都系照顾我嘅小朋友，难免有啲朋友可能会误解，觉得我唔在乎我事业，或者我唔努力。I don’t blame them，因为的而且确Action或者大家睇到嘅嘢，系重要过你讲嘅嘢嘅，咁真系我呢四年出一只专辑，10只歌，真系唔算特别多，所以令到大家可能觉得……Phil系咪唔在乎或者唔系好努力嘅时候，我唔怪得佢，所以更加要working harder，因为毕竟i still love to do music，同埋仲有好多嘢未做到，我未想去放弃。”

四年磨一剑出新碟　要歌迷等待感愧疚

距离上一张专辑《Philosophy》已有四年，Phil承认在香港乐坛这算是一段很长的时间，不过作为唱作歌手，其作品必须要透过时间和历练才能诞生，他不想为写而写，“以前可能一年出两只碟㖭，近年可能大家都会用多啲时间去做，同埋已经冇咩叫做sidetrack，每一只歌都系一首plug嘅歌咁样去。相比之下如果系外国嘅歌手，其实三、四年出一只专辑系好正常嘅事，尤其是我觉得唱作歌手更加系，因为冇时间，何来有更多嘅历练去写故事呢？”但他亦坦承，自己不是多瓣数艺人，不需拍剧、跳舞之类，基本上都是全职唱作歌手，理论上应该再创作更多作品，因此这亦是他2026年目标。

笔者认为，外界觉得Phil半退休，也可能是他向来仿佛与世无争，也没有野心，Phil并不完全否认，但他心底其实有一团火，“野心呢个字眼啱，啱，我中文唔系好叻，但系的而且确系有好多我啲friend都会同我咁讲，觉得我好似……冇所谓啦，安于现状咁样，但其实一部份嘅我系同自己讲，好似一个催眠，有就锦上添花，冇都继续努力，但其实某程度上支持我嘅朋友、乐迷， it’s not fair to them，佢哋都希望我可以做多啲歌，或者有机会可能攞奖或者点样，我同等地应该去报答佢哋，with更多嘅努力，做好嘅音乐！”

入行15年惜未获男歌手奖　歌唱实力不减反增

访问当日正夕2025年尾，颁奖礼在即的日子，同门好友陈柏宇曾表示自己对奖项没压力，但公司就有压力，问Phil又对攞奖有何想法，他觉得自己与陈柏宇心态并不同，至少对方已攞过“我最喜爱男歌手”，其余所有奖项都是Bonus，因此没压力也正常。Phil坦言：“我入行第15年，的而且确未攞过男歌手任何一个颜色（金银铜歌手奖），所以仲有好多奖项，自己都未有机会可以攞到，我觉得系一个好嘅指标，亦都系一个目标去追随嘅。”他透露自己这几年其实在唱歌上也多下了苦功，他找歌唱老师学唱歌，希望挑战音域更广、情绪更丰富的歌曲。Phil的努力也确实有成果，在制作新碟的过程中，他对自己声线有了更新的发掘，“通常啲人话，年纪愈大嘅时候就未必唱得返以前个Key，我而家反而唔系，个Range愈来愈阔，系值得去开心嘅事，亦都可以去tackle（处理）一啲唔同嘅genre 或者更高难度嘅歌，或者去show到唔同啱一面俾大家，我都真系希望呢个趋势可以继续！”在新碟上，《那些不爱我的人》便是最能体现其进步的作品。

自知零新闻被嫌闷　宁做好YouTube坚拒造新闻

除了被认为冇野心外，Phil历年来也没什么花边新闻，在观众只想看八卦是非刺激眼球的娱乐圈内，他这类“零负面新闻”的艺人，难免蚀底，甚至令人觉得有点闷。Phil语带幽默说：“No news is bad news吖嘛！”他绝对知道这或是一个问题所在，他是歌手，同时也是听众、观众，当然也会知道观众爱看什么：“我都会有追求娱乐性嘅东西嘅时候，我自己都好明白，歌唱比赛节目，冇一啲值得去倾嘅环节，咁点会有人留意？要有啲controversy（争议），或者有啲歌手要做一啲嘢，佢明明好talented，点解要做一啲咁花边嘅事，去攞Attention呢？Even great musician with great music，都需要多啲attention先会被留意到，尤其是呢个世界，咁快捷所有嘢，大家个attention span咁短，所以某程度上我比较…… simple，舒服，同埋比较脚踏实地嘅Approach，系一定有佢蚀底嘅一面，但系亦都有人欣赏呢样嘢㗎嘛，所以我觉得系可以攞到个平衡，of course我觉得自己可以主动啲嘅，以前嘅我唔识得Social，我系好I，慢慢呢行将我由I拉到去E少少。”

Phil直言：“我会唔会主动去做一啲花边嘅嘢？I don‘t think so啦。”既然做不出哗众取宠的事，他选择用自己的方式去让大众了解他，例如YouTube节目《Phil in the Car》，这亦是这位爱车之人策划多时的大计，目前经营了两年，邀请不同歌手或好友上自己的车，边揸车、边倾偈唱歌：“有时就系喺一个好uncut，好raw嘅情况下倾偈，其实我哋冇乜script（剧本） 㗎，净系知道可能我哋会唱依两只歌，去边度载你，最后你要去到边个目的地，当系游车河，兜吓风咁倾紧偈，其实好natural，亦都冇得去扮，俾大家睇吓我本身个人系点。”

即使被问到身边人有无建议他制造话题，Phil依然是那个在收工后只想回家的顾家男，笑言：“讲笑咩？（有人话）‘佢冇传过绯闻嘅？’点传啫？但系的而且确，就算唔系要去做一啲怪嘅话题都好，我谂系Just多啲Happen已经系一件事，正如我写多啲歌俾其他人，或者多啲出去食饭打吓波，其实都系一件事。”

创作破百首成里程碑　下一站盼办作品展

分享完今个站，问到Phil在驶进下一站之前还有什么目标想达成，他认为目标要有远有近，若将它订得太遥远，分分钟只会不断拖延症发作，每日都说：“听日先啦！”他指过往一年写太多歌给朋友，承诺2026年一定要多些歌给自己，要先有作品，才能逐步达成紧接的目标：“我自己想，红馆就系一个好远嘅一个目标，细细个，入行嘅时候，绝对有谂过，one day、one day（有朝一日）……而家好似讲到好遥远嘅一件事，但系亦都谂过想做一个作品展，我写过咁多歌畀其他人，如果我唱会点呢？我觉得都好Interesting！唔好话一个concert、卖票呢件事，纯粹自己去唱返咁多只歌，我都觉得好想去试，好想听返。”

访问尾声，Phil分享了一个令他自豪的小发现，这或许比任何奖项都来得实在，更是纪录他过往一站一站的脚印，带著他来到这里，“啱啱做依张专辑嘅时候，有个得意嘅现象发生，《CASH》会讲你所有作品，你写过俾人、写过俾自己，总之有关你创作嘅嘢都会keep住个database，当我log in to我个作曲嘅database嘅时候，我screencap咗！啱啱写住：‘100首！’wow！ 100首！有啲系自己啦，有啲系写畀人，亦都有啲其他嘅音乐创作。”于是他忽发其想，希望在歌手生涯结束前，至少可储够200首：“我觉得系好值得自豪嘅事！至于有冇机会可以攞到最佳作曲人，或者系男歌手唔同颜色嘅奖，我相信如果冇𠮶啲作品，系唔会有机会攞到𠮶啲奖，所以rather纯粹去谂𠮶啲目标of个奖，我目标可以做多啲音乐出嚟，希望呢啲音乐系会带到我有机会，到时可能可以做更多嘢。”