区瑞强（Albert）将于3月21、22日联三位DJ好友麦润寿、郑子诚和周国丰，假香港理工大学赛马会综艺馆举行《DJ殿堂电台岁月演唱会2026》，日前（3日）他们举行记者招待会交代演唱会详情。

演唱会可以即场点唱

Albert表示有这个演唱会构思很久，但一直未有机会实行，“我成日搞唔同类型嘅演唱会，但呢个唔系普通嘅演唱会，召集啲DJ同事之余，希望邀请到啲听众一齐参与，因为咁多年嚟听众嘅回应真系好重要，我哋DJ每人做几个钟节目，同听众交流建立嘅感情，就好似老朋友一样。”Albert又透露今次演唱会的卖点，不单止有歌听，“唔系净系听歌，听佢哋讲嘢都系好有吸引力嘅节目，仲要喺现场可以交流对答，甚至可以即场点唱，系个好融洽嘅聚会，我构思咗10几年，机会真系好难得，到时我会同佢哋三位分别都有合作。”

麦润寿坦承唱歌非强项

麦润寿表示很喜欢跟听众的交流，他当年离开电台曾被听众投诉，“佢哋话我残忍，因为听咗我节目10年，突然停咗佢哋唔知𠮶段时间可以做咩。”不过讲到唱歌，麦Sir强调本身并非唱家班，反而更爱弹结他，“我真系好少唱歌，包括唱K，但系我会得闲练吓结他，自从我发现咗木结他都可以用电，凌晨三、四点都可以练。”但今次Albert邀请就算要唱歌，他都乐于参与，“我同佢做咗几十年同事，我首歌《在晴朗的天空下》都系佢帮我录，冇佢我都冇呢首歌，当然我唔敢再叫佢唱埋。”另外，麦Sir在演唱会时，还会演绎纪念他母亲的歌曲《十年》。

郑子诚献唱两首有纪念价值歌曲

Albert直言难得邀请到郑子诚现场讲独白兼唱歌，但郑子诚搞笑说：“唱歌呢个大镬，全晚演唱会嘅亮点，我惊搞到个演唱会蒙羞。”Albert笑着提议，“不如揾周国丰现场畀灯，呢个环节一流。”子诚叫周国丰手下留情，“我面皮好薄，我哋识咗咁多年，点都畀到5盏灯啦！”但国丰冷淡回应，“但系我系好冷血㗎！”子诚谓到时会演绎两首好有纪念价值的歌，一首是Albert演绎《Try to Remember》时，他负责独白，“我由细就有个心愿，我好钟意阿旦（郑丹瑞）、郎哥（倪秉郎）嘅独白，做咗DJ就想有机会为首歌独白，多谢Albert承传，佢同我讲‘你自己写，我唱啦！’”而另一首歌就是Albert为他1993年主持的电台节目《今夜真情》，制作的同名歌曲，“𠮶时我胆粗粗喺停车场见到Albert，问佢可唔可以帮我写节目主题曲，仲要佢唱埋。”

周国丰唱歌担心被评分

Albert今次成功邀请到周国丰开金口，麦Sir搞笑提议跟Albert和子诚在国丰唱歌时，坐在台下点评他的唱功，大家即时起哄赞成。国丰直言虽然当年参加过新秀歌唱大赛，但原来他并非爱唱歌之人，“参加新秀系妈咪想我入行，我性格唔适合入行，点解我会咁快选择做幕后就系因为咁。”国丰坦承虽然担心唱歌，但Albert邀请他时都一口答应，“今次有另一个意义，因为系讲电台岁月，我同呢3位主持人，虽然喺同一间机构工作，又认识咁耐，但真系未合作过，而且呢个音乐会可以分享返同听众一啲点滴，有啲系比较感性或者令人感动关系，好少有机会喺节目到讲到，不如喺呢个音乐会加埋相关嘅歌曲讲返出嚟，好似成件事会更加完整，今次音乐会好似将个舞台变成直播室，直接同听众做交流。”