周柏豪《The Blooming Chpater绽放之章 Fan Meeting》香港站粉丝见面会，昨晚（14日）于启德体艺馆举行，为周柏豪事隔七年再次于香港举行音乐会，吸引近7000名粉丝入场支持，现场组成一片灯海气氛相当炽热！周柏豪于粉丝见面演唱会后，接受传媒访问，表示事隔七年返回“屋企”开骚，感到之余非常紧张：“我应承咗自己，今日系唔可以喊嘅！”对于在台上一度感动哽咽，周柏豪笑言：“头先对于我嚟讲唔系喊喇，我喊会好大件事！我喊会流晒鼻涕、周星驰𠮶只！成面都系液体！所以今日好叻仔！喺唔喊方面畀99分自己！”

演唱会前全家轮流病　周柏豪被逼住酒店两星期：要抛妻弃子做见面会好心痛！

周柏豪受访时透露开骚前家人轮流生病，太太更决断地请他外出居住，因此在酒店房度过两周，亦勤力带电子琴练习：“18分钟串烧歌系我喺酒店房练，带住个电子琴周围Check-in，转过几间酒店，因为好似有啲尴尬㖞！”并透露要保持身体状态开骚：“喺我开骚前两个礼拜，我屋企所有人都病咗、得返我！我老婆就叫我‘走！即刻走！搬出去！’就去酒店住，但其实个心好内疚，全家人病晒，我系应该留喺屋企照顾佢哋！”但每日保持视像见面：“个心好痛！要抛妻弃子去做一个见面会！相信屋企人、公司、主办都好支持。”

女儿彩排到场支持合唱《一事无成》

周柏豪亦透露，女儿在演唱会彩排到场，更合唱自己最红K歌：“我个女彩排嘅时候坐喺观众席，到点歌要试咪，佢举手想试。佢识唱‘只知道是时候’但唔知歌名，不过因为已经唱咗，所以就拣《一事无成》，佢就做咗郑融喇！虽然歌词唔啱，但我唔估唔到佢成首哼唱到出嚟！”

女儿带同学支持演唱会赠“七人车叔叔”花篮

不单止女儿出席支持周柏豪演唱会，令同学都涌跃到场：“佢带埋啲同学嚟，仲觉得好奇怪‘呢个叔叔平时唔系咁㗎！平时戴眼镜、戴口罩，今日Gel晒头咁！’靓仔咗？绝对啦！”周柏豪笑言舞台形象与日常判若两人：“我喺香港系返工、出去做嘢反而系放假，因为唔驶凑仔！我喺香港系做司机，所以有个花篮写住‘七人车叔叔’，系我仔女啲同学送畀我，因为我系揸七人车𠮶个人！”

周柏豪女儿遗传唱跳天份：长大咗绝对优秀过我！

周柏豪女儿继承父亲唱跳天份，情迷BLACKPINK更父女一同睇过演唱会，周柏豪透露女儿今晨亦有表演节目，但自己因筹备见面会被逼缺席：“我个女知我去唔到，已经黑晒面！我应承佢表演完拍片畀我睇，咁佢就OK喇！”周柏豪更盛赞女儿天份：“我觉得佢长大咗绝对会优秀过我！”但会按女儿意愿决定会否接触娱乐圈与表演，目前则尽力保护女儿私人生活，婉拒让女儿在出道20周年上台合唱。

郑融临时被粉丝点名合唱《一事无成》　周柏豪致歉：成件事冇彩排过

对于出席演唱会被突然点名合唱《一事无成》的郑融，周柏豪受访期间致歉：“要同郑融讲声唔好意思！因为真系好突发性，啲粉丝不断指佢出嚟，令我睇到佢。一个女仔突然被点名，又冇化妆、谂住朴素啲支持个朋友，成件事冇彩排过。不过冇计，去到𠮶个时候，成就呢个画面。”

黄文标患柏金逊症后接拍MV　周柏豪：见到佢身体抱恙

周柏豪早前推出新歌《纯粹想哭》，请来资深演员“标叔叔”黄文标主演，MV在见面会尾声播出。周柏豪受访时，表示知道黄文标病情，并感谢对方尽力专业演出：“标叔叔系我拍MV嘅时候认识，系一月尾嘅时候拍嘅。我喺现场同团队都有啲顾虑，因为见到佢身体抱恙，我哋唔敢问佢、打扰佢，但佢好专业，就算身体抱恙都做好呢个角色，令呢首歌升华咗，好多朋友都话因为标叔叔先睇呢个MV，所以多谢标叔叔！”