“本地舞台”主办，由女神陈滢和蔡洁担任主角的限定现场演出《Pillow Talk》，将于4月25日晚上8时于澳门银河G Box举行。日前陈滢和蔡洁趁着工作空档，应邀到香港电台第二台接受《Made In Hong Kong 李志刚》访问，分享开Show前的心路历程。

陈滢开live压力爆煲

陈滢在节目中表示，年初时《Pillow Talk》仍是一个很初步的概念，但时间过得很快，两个星期后便要举行了，所以她现在真的很紧张：“唱歌唔系我嘅擅长，而我亦未试过喺台上现场演出，绝对系零舞台经验，我连舞台剧都冇参与过，又好少做商场show。虽然平时大家见我好似好开朗，但系我入面系好怕羞嘅。今次要喺台上面对住咁多买飞入场嘅观众，我会觉得‘Oh my god，点做？’我想讲今日嚟做访问之前，今朝我发恶梦，个梦就系我揸住枝咪，准备喺我呢个Show出场，但竟然入唔到Key，当时我喺梦里面好惊。”

亲自参与细节力求完美

主持问及陈滢在电视剧《卧底娇娃》中也有献唱，陈滢说：“𠮶啲有得Cut同NG㗎，舞蹈部分又可以重拍。不过今次好开心可以同蔡洁一齐经历我哋喺台上嘅第一次。因为如果系同一个有经验嘅艺人一齐演出，你都会好惊，因为隔篱𠮶个人好似劲过你好多。但我哋而家两个都系差唔多经验，一齐去试呢件事，所以个心都定啲。我哋两个都有一样嘢好似嘅，就系想将个Show做到最好，唔想就咁做咗佢就算。成个Show每一个部分，包括歌单同rundown，都系好有心思去谂，所以都会俾压力自己去表现到最好。希望观众到时入场睇到我哋嘅表演，觉得系OK嘅。”

陈滢挑战Rap和跳舞

今次Rap和跳舞部份会全部交给陈滢：“Jacky好好，因为我哋拣嘅合唱歌，有啲我觉得真系好难唱，Jacky就会话啲高音位OK，由佢负责唱。”蔡洁说：“我哋大家做嘢互相互补，呢个系Teamwork。虽然我同阿滢各有各自嘅部份，而各自嘅部份又有自己嘅谂法，但系个Show始终都系我哋两个一体，所以我哋会将唔同嘅谂法、唔同嘅意见连埋一齐。虽然我个样好似好淡定，但其实内心都几淆底。”

期待给观众惊喜“估唔到”

陈滢觉得透过今次做Show，她和蔡洁比以前有更加多的沟通：“我发现我哋有好多位系好似嘅。开头我以为大家都系好放松、好容易融入大家嘅谂法，但原来佢唔系特别放松，但佢嘅想法系同我好似。佢有佢独特嘅要求，但系咁啱我哋谂嘅嘢都好一致，所以呢个位真系好夹。我哋嘅目标系希望大家觉得呢个Show好睇，大家都会话：‘估我哋唔到！’”