《25+英皇群星演唱会》今晚（3日）在启德主场馆举行，是日阵容为容祖儿、古巨基、李克勤、张敬轩、陈慧娴、Twins、陈伟霆、李幸倪、关智斌、曾比特等，今晚一大亮点是国内顶流陈伟霆（William），他激罕于香港演出，并率领师妹VIVA、跆拳道冠军林秋楠唱了《女皇》、《Do you wanna dance 》，相隔多年大骚舞技仍没有生疏，其中一段更蒙住眼跳舞。之后他更走落台，沿走廊行到小舞台，成就了全晚唯一一个握手位！

摄影：陈钊、邓颖琪

陈伟霆多谢容祖儿给机会上红馆

陈伟霆于小舞台演唱《LoveU2》，开始前对观众真情剖白：“我好耐冇见大家喇！我好挂住你哋！今日系英皇娱乐公司嘅25周年，我17岁签咗公司，参加新秀应该都睇过啦？走晒音，跳舞好岩巉𠮶段片，但系一眨眼过咗23年。首先好多谢你哋陪伴，或者今晚你哋嚟，Thank you，多谢晒！一路走来我相信每个人都唔容易，但系我学到嘅就系永远要相信自己，同埋一定要有伯乐！”

提到伯乐，陈伟霆今晚特意多谢容祖儿当年给予机会上红馆，他说：“头先我沿路嚟紧嘅时候，谂紧今日咁大个台，我究竟入公司嘅时候第一个最大嘅台系咩？应该冇人知，静晒，就系红馆，祖儿俾咗个机会我！佢嘅助手上个月同我讲，我一路以为系公司畀呢个机会我，但系原来系祖儿𠮶时话：‘伟霆咁多年都好似冇乜机会咁，不如我哋试吓我开演唱会嘅时候，喺个红馆，畀个机会佢上台同我跳返part舞。’咁样就开始咗个演艺事业嘅生涯！我相信在座各位，如果陈伟霆都有机会嘅话，你哋唔好放弃，你哋都会得！大家加油！”