《25+英皇群星演唱会》昨晚（3日）在启德主场馆举行，压轴登场的是“一姐”容祖儿！她唱完《越唱越强》后，向观众自我介绍：“作为英皇娱乐元老级嘅艺人，我都想介绍返一下自己，大家好，我系1999年出道嘅容祖儿！你哋好吗？”加入公司27年，她指英皇不仅是其事业起点，也是人生的起点，表示：“我喺Rehearsal嘅时候，我站喺启德呢个大舞台里面，我好大嘅感觉，因为每一首歌我都会谂起好多好多嘅画面，谂起我第一次唱歌，唱呢一首歌嘅时候，发生紧啲咩呢？我𠮶阵时当然唔系而家咁样，点解大家会相信我，畀一个咁嘅机会我，所以我真系非常之多谢我嘅公司，一直以来对我嘅信任，同埋我嘅栽培。”

容祖儿启德演唱会压场感十足

虽然祖儿早前透露最快都要2027年才开启德演唱会，但今日有如预演，她一个人已压场感十足。祖儿多谢在场所有观众朋友一直以来的支持，让她有机会站上如此大的舞台，透露两晚将不同Rundown，今晚慢歌为主，明晚才是快歌：“今晚嘅系会得到快歌……唔系，Sorry，慢歌！听日系快歌，所以边个想听快歌嘅，欢迎你哋听日再嚟啦好冇啊？小妹有好多好好好经典嘅歌想大家分享，所以我好大胆咁样选择咗两日唔同Rundown嘅，当然排练嘅时间增加，但系为咗我公司今日25周年嘅生日派对，我觉得完全值得，希望你哋可以满载而归！”

容祖儿多谢罗文

她回应陈伟霆方才感谢她给第一次红馆舞台予他，指每一个人做新人嘅时候都需要机会，自言：“我又何尝唔系遇到一啲伯乐？我要再多谢喺天上嘅罗文老师！我第一次上到一个好大嘅舞台，系喺佢嘅演唱会上面，我好记得呢种感觉，如果有朝一日，我红咗，我都要做返呢样嘢！呢个系一定㗎 ！冇办法唔系，因为呢个已经系血液里面，我好希望公司以后落嚟嘅新人，都可以继续努力，发光发亮。我哋都虽然入行年纪好细，我哋而家都唔大，但系我哋都会有𠮶一日，希望我哋精神可以一直延续落去，亦都希望大家一直支持我哋公司！”祖儿表示一定会继续努力，因为她相信努力是永远不会辜负别人。

多谢杨生Mani激动爆喊

祖儿紧接演绎脍炙人口的慢歌Medley，包括：《东京人寿》、《心之科学》、《搜神记》、《争气》、《怯》、《痛爱》及《逃避你》这些耳熟能详的慢歌，令观众High爆。之后她真情剖白：“站在呢个台上面有好多感触，因为......一路行落嚟，我觉得好多谢公司陪我经历咗好多，任何人生好大好重要嘅Moment，或者一啲挑战，佢都选择继续支持我。但系我永远都唔会忘记喺27年前，有两位朋友佢哋好坚定嘅对我嘅信任，决定要签我喺呢间公司度，好大力咁样去栽培我，依两位朋友，依两位我尊敬嘅朋友，系我老板杨生，同埋Mani......”说到这里祖儿已忍不住眼泪，哽咽多谢两位伯乐，又谓：“我希望你哋觉得如果喺呢20几年里面我所付出嘅努力，系值得你哋少少嘅掌声，我好希望，呢啲掌声完全系……呢啲所有嘅荣耀都系畀佢哋两位！多谢佢哋由day one、day zero，选择咗我，信任我，栽培我，喺未来嘅日子里面，我希望仍然成为佢哋嘅骄傲，亦都系你哋嘅骄傲！”

《我的骄傲》徐徐响起，而容祖儿更越唱越感触，激动爆喊，令观众也非常感动，也使《25+英皇群星演唱会》头场圆满结束。