将于本周日(6月7日)下午3时30分在红馆举行的“修哥九五至尊无限枫骚演唱会”门票经已全部售罄，届时全场观众和一众嘉宾歌手为修哥胡枫打气，一起见证即将95岁的修哥挑战《举办演唱会最年长华语艺人》之世界纪录。

莫文蔚杨千嬅等巨星助阵

日前修哥联同 Philip 陈欣健、Joe Junior、肥妈 Maria Cordero、《中声三》的黄博、张与辰、刘洋、《声秀》的冯熙燮、柯雨霏、胡子贝到 Band 房彩排，修哥表示很开心：“得到咁多朋友支持，令我喜出望外，有啲估唔到嘅嘉宾都会嚟，真系 Very Good ! 主办单位成日搞神秘，问佢有乜嘉宾佢哋又话未定，结果一个礼拜前终于知道嘉宾名单，除咗有今日嚟Band房彩排嘅朋友之外，仲有莫文蔚、杨千嬅、Big Four、草蜢同周柏豪，就讲住咁多先。”肥妈说：“我今次有份唱已经好开心，我间唔中都有同Joe合作，但Philip 就真系好多年都冇同台演出。”Philip 笑说：“因为我冇参加中年好声音。”肥妈即时问他什么时候来做评判，Philip :“唔驶做评判，我而家成熟咗可以嚟唱，起初主办叫我做修哥嘉宾，我以为佢叫我嚟跳 Cha Cha ，大家都知修哥系舞王，好彩最后系叫我唱歌，所以终于冇晒压力。”Joe :“修哥千祈唔好叫我跳 Cha Cha，我剩系识跳扭腰舞，不过今次有得唱真系好开心，当我知道主办单位邀请我𠮶一刻，我即刻话俾老婆知。”

《中声3》《声秀》新星齐向演艺长青树致敬

《中声 3 》和《声秀》6 位歌手也表示相当兴奋，黄博说：“修哥系我哋嘅榜样，我最深刻就系修哥扮嘅财神，今年好幸运可以系修哥手上面攞到利是。今次可以加入呢个 Party，见证修哥挑战世界纪录，真系非常之开心。”与辰笑说：“今次好想挑战修哥跳舞，同修哥佢一齐跳Cha Cha都应该好正。小学𠮶阵就已经有睇过修哥嘅影视作品，觉得修哥系一个好敬业同埋好有毅力嘅艺人，所以真系值得大家学习。”刘洋：“一直以嚟都睇过好多修哥嘅影视作品，可以参与今次演出真系觉得好荣幸。”

冯熙燮：“首先要多谢修哥嘅邀请，也要多谢公司嘅安排，出道只系短短半年已经有呢个机会，真系非常难得，其实我细细个就有睇《三个小生去旅行》，所以今日彩排可以第一次见到两位本尊真系觉得好激动。修哥佢好和蔼可亲，到时系红馆会尽我哋所能，做好自己，带俾观众一个精彩嘅演出。”柯雨霏：“修哥喺我眼中系一个热爱舞台同埋艺术嘅前辈，我哋三个好荣幸第一次上红馆表演就系喺修哥嘅演唱会，今次可以见证修哥挑战纪录，仲可以同咁多前辈一齐载歌载舞，真系好兴奋。”胡子贝：“我哋会做好自己嘅表演部份，修哥系我哋演艺界嘅长青树，我希望可以学习佢嘅精神，不停努力，将最好嘅作品带俾大家。”