姚正菁、林宝玉呢排“孖公仔”拍住上，二人组成最强组合，为菁菁回归娱乐圈铺路！早前菁菁自爆录歌进军乐坛，有意挑战“新人奖”外，仲话同经理人林宝玉倾MV拍摄事宜。虽然制成品未派台，但菁菁经理人公司亦不敢怠慢，开拓经理人部外，亦扩充“新世界娱乐”办公室大展拳脚，菁菁与林宝玉隆重其事盛装出席！

姚正菁坦言最大变化是时间不够用

姚正菁表示现忙于“开会”、录歌，重拾“少女时代”的忙碌：“依家最大改变就系每一日都觉得时间唔够用，因为要去练歌、要做运动减肥、要拍一些生活或者旅行片段post上社交网站啦！原本想送花篮俾老板，但Sam哥话唔使，出席切烧猪就得啦，好老板唔想员工破费！”

姚正菁透露将参加商演

菁菁透露嚟紧会参加商演，令佢觉得非常紧张：“嚟紧都系唱歌同商演，我暂时都可以适应得到！以前主要系拍剧集，TVB嘅通告比较紧密，而家啲时间就冇咁紧张，无好似以前06:00通告，然后收厂半夜三四点咁辛苦啦。不过突然变返咁高强度嘅工作量，有啲返翻去几十年前刚入行嘅感觉。”

林宝玉变身姚玉菁经理人

而林宝玉变身做经理人，要重新打造姚正菁，不过Connie竟话二人“老友鬼鬼”，仲话老板冇要求“跑数”：“本身同菁菁都认识，所以冇咁大压力，当知道要做佢经理人嘅时候，个focus 只系谂点样可以做到最好，做啲乜嘢对佢系最有利，点样令佢更加好。老板冇俾压力我哋，只系叫我哋做到嘅就尽量做，叫我地都唔需要俾太大压力自己。（佢唱歌做新人？）对佢唱歌有信心，所以都开始接啲唱歌商演 ，最近都勤力练习唱歌。”