内地歌手李昊在红馆举行一连两场《李昊“数到一”香港演唱会2026》，昨日（30日）尾场请来多位大卡嘉宾惊喜登场，前后有六位嘉宾撑场，例如有：陈国坤、姜皓文、张柏芝、李思捷、林保怡、林子祥及王祖蓝先后登场。顺利完成演唱会后李昊接受传媒访问时仍难掩兴奋之情，他坦言自己作为一个新人，从未想过能有如此多前辈及媒体力撑，令他感到受宠若惊。嘴很甜的李昊表示：“呢啲场合真系睇电影至会发生嘅！即系冇谂过一个演唱会完咗之后，掌声之后，仲有咁多记者哥哥姐姐嚟支持我同埋宣传我，所以都好多谢大家今日嘅嚟临，多谢大家！”

获王祖蓝送支票无限支持

提到今次演唱会的圆满举行，李昊特别感谢前辈王祖蓝的鼎力相助。他透露王祖蓝人脉除了帮助他踏上红馆舞台外，更豪气地送上一张支票给他作为支持。李昊笑言:“我会储埋嘅，下次再用啦！”不过因为演唱会严重超时，完场时已经接近凌晨12时，所以真的要罚款：“你支票里面真系找紧数！”

说到王祖蓝对李昊的疼爱，连他自己都不明白：“我觉得我系谂紧一个前辈点解可以好到呢，系我又同佢冇血缘关系啦，又冇任何嘅利益瓜葛，佢单纯见到我有团火，佢就咁热情咁样去帮助我。从而启发到我，如果我他朝一日都成为人哋嘅前辈，我都要好似佢咁样去帮我嘅晚辈。”

除了王祖蓝，李昊亦邀请了多位重量级前辈合作，当中亦包括他最爱的“星爷”周星驰，他笑指自己“作为佢嘅天字第一号粉丝”，他开心表示自己2018年认识周星驰。当时周星驰更叫他：“咁你去红馆开演唱会啦咁样。”之后他便把这句说话藏在心中：“我要努力，我要不断唱，不断咁样提升自己，总有一日我会话畀你听，我可以，我可以唱到去红馆。”直到早前周星驰在深圳路演时，他向周星驰表示：“星哥哥我将演唱会开到去红馆啦！咁我就话畀佢听，我系唔会丢你架嘅，我一定会做到最好，希望你可以见到我步步高升，可以做得更好。所以我下个目标就系想成为好似佢咁优秀嘅一位演员，胆粗粗都要讲一声放马过嚟啦。”

李昊有邀请周星驰

其实李昊都有邀请周星驰来欣赏演唱会，但周星驰却说：“不过你可能发现唔到我，咁可能我又神出鬼没，你睇到就系㗎啦。咁可能佢嚟咗都话唔埋㖞，但唔紧要啊，佢嘅呢份打不死嘅小强嘅精神一直激励到我而家，所以与佢同在。”

李昊一直视张柏芝为心中女神

他提到自己一直视张柏芝为心目中的女神，更亲自邀请冯颖琪及周耀辉为他度身订造新歌。他把歌做成demo后，就托关系找到张柏芝，而她亦一口答应合唱。李昊胆粗粗向她说：“咦，咁你横掂都录咗啦，我七月廿九，三十开红馆㖞，不如过嚟坐下呢？咁佢又话，即系做嘉宾啦，系咪呀？”而张柏芝一口答应指“冇问题”，对于她的答应，李昊表示：“佢二话不说就应承咗，所以成个经历都觉得好奇妙。”

遭粉丝“疯狂任摸”

演唱会上另一焦点，莫过于李昊在台下与粉丝近距离互动时，被热情粉丝“疯狂任摸”。对于粉丝的激烈举动，他被问到“小昊昊”有否被摸到时，他发挥搞笑本色：“我喺屋企就系已经系最细𠮶个𡥧仔嚟㗎啦，所以唔存在有小昊昊嘅。”之后他详说当时的感受：“我系感觉到𠮶个欢呼声，已经充斥咗你个脑海，你根本系开心到忘形，即系你唔好话你摸到你身体嘅头发啊、各样部位，其实你都已经系好似发紧梦咁样样。咁你发紧梦，你又点会记得自己系生咩样，你自己咩样都唔记得？梦境就系美妙㗎啦，所以你问我啲detail呢，可能我过得一排啦，再答大家啦。”