周殷廷（YT）首个红馆演唱会《The Alchemist Live 2026》昨晚（30日）尾场，中段他突然有感而发，指今次演唱会将很多埋藏心入面最脆弱、最怕被人见到，最觉得自己失败的事情全翻出来，他一度担心会被大家唾弃，但表示：“但系好想喺度同大家讲，其实失败只系一个开始，好多谢大家今日俾咗呢个机会我佢见到大家，佢比我知道我值得有红馆演唱会呢个舞台！”

他忆述19岁在台湾参加《超级星光大道5》落败的经历，当时他很伤心，躲在后楼梯哭，还致电父母，他又提到，当日席上的评判之一，正是他接下来要介绍出场的嘉宾——杜德伟。YT提及当日赛后在电视台外，自己截停了杜德伟，向他自我介绍：“你好，我叫周殷廷，我系香港嚟嘅！佢出返嚟，我话我好想俾你知道，我就系第100个啱啱俾人foul𠮶个，但系我好想同你讲，终有一日我一定会成功做到一个歌手！而系𠮶一刻，呢一个男人佢望住我，佢话‘好呀！你加油！’然后佢就上咗车。喺每一次我觉得失意嘅时候，每一次我觉得徬徨嘅时候，都有好多唔同嘅鼓励去鼓励我，而佢把声系其中一把好重要嘅声音，我好希望可以今日同大家一齐分享呢样嘢，亦都好多谢佢，成为我哋今晚尾场嘉宾嘅最后拼图！”

二人合唱《无心伤害》，之后YT邀杜德伟翻看当日比赛的评分片段，并问：“其实我想问呢，点解当日你foul我嘅？”杜德伟即笑言：“啊！我知喇！你今日叫我嚟唔系做你嘉宾，你系想寻仇嘅！唔怪得我叫你同我唱《信自己》你死都唔肯唱，要唱《无心伤害》，系咪我无心伤害咗你呀？呢度全部都系你啲歌迷，全部上嚟冧我，好恐怖㖞！”之后YT表示其实当日杜德伟冇份畀“交叉”，杜德伟也说：“我撑你㗎！”YT再说：“多谢你当日识货！”杜德伟之后更大赞他：“咁靓仔，又唱歌唱得好听，跳舞又好睇，又性感，炼金师㖞，炼到胸肌、腹肌都唔简单㗎 ！我都流口水呀！”

最后，YT亲手送上自己的专辑予杜德伟作为礼物，而杜德伟就搞笑表示：“当日周殷廷带住个电影制作人嚟，一齐俾咗个剧本我，隔咗几日，周殷廷打返嚟话‘你可唔可以做演唱会嘉宾？’我话‘死啦，唔做佢嘉宾咪冇戏拍？’所以我应承咗你啰……唔系，因为我都好开心你开演唱会吖嘛，系一个荣幸嘅， thank you。”