香港乐队RubberBand继2023年在九龙湾展贸举行《RubberBand Juntos Live》之后，已经有3年未有正式开骚，乘全新K专辑《Komorebi》推出，四子将于2026年12月5日（星期六）假安盛竹翠公园，西九文化区举行RubberBand《沐光公园》音乐会2026，跟大家聚首一堂，吹著清爽的秋风，Chill住唱足一整夜。

“Komorebi”来自日本的专有词汇“木漏れ日”，用来形容阳光穿过树叶的光影，今次RubberBand将第11张专辑命名为《Komorebi》，是因为6号被德国导演Wim Wenders执导的电影《新活日常》所启发，他说：“主角每逢放lunch就会喺公园影佢头顶大树透入嚟嘅阳光，呢个正正就系Komorebi嘅画面同埋意境。”

回归同一场地再献唱

过去3 年期间，RubberBand除了忙于世界巡回演唱会外，还举行过“RubberBand x 侧田 《Just Rub It》 Live”及“RubberBand x 耀荣文化《同在》 音乐会”，今次回归个人企划，带著RubberBand《沐光公园》音乐会2026，就是希望乐迷走进公园，听著RubberBand的歌曲，感受这一份“Komorebi”独有的写意与闲适。主音6号道：“‘沐光’就好似沐浴喺我哋嘅脸上，同‘Komorebi’关系好强，我哋第11张专辑《Komorebi》将于11月尾推出，12月初开show，就系想大家喺呢一种氛围听呢个音乐会。”

今次选择在安盛竹翠公园开show，是因为6号的一个浪漫构想，他道：“我脑海有个画面：大家揸车去户外影院睇电影！以前香港都有呢啲活动，而呢啲活动都有一种情怀喺度，好有8、90年代嘅感觉。我哋嘅新碟《Komorebi》里面其中一首新歌〈我永远记得〉，就有呢一种氛围。今次呢个音乐会，就好想透过呢个户外场地，呢一片草地，同呢个好时代连系返。

谂过开骚叫“胶嘢公园”

其实除咗《Komorebi》专辑，RubberBand以前好多作品，都呼应一日里面不同嘅光嘅题材，光与音乐交错，我哋可以做一个时空穿梭（Time Travel），同时亦可以幻想自己揸住车入嚟睇我哋嘅《沐光公园》音乐会。”在“沐光公园”之前，音乐会亦曾有过另一个名字——“胶嘢公园”，6号笑道：“当初同音乐会监制细So倾嘅时候，就觉得木漏之日好衬喺郊野公园开音乐会，RubberBand就自然系‘胶’啦！虽然呢个名最后未被采纳，但呢个名字背后隐藏住呢班胶胶地嘅人，喺台上会系点样呢？系好正经，还是有啲胶嘢发生呢？都唔奇㗎！”究竟音乐会会变成甚么模样？就要拭目以待了。

演唱会详情︰
AXA安盛 呈献：RubberBand《沐光公园》音乐会2026
日期︰2026年12月5日 （星期六）
时间︰晚上7时30分
地点︰安盛竹翠公园，西九文化区
票价︰$980* / $780 / $580
凡购买$980门票加$300即可享有一系列粉丝专属福利，详情将于耀荣文化及RubberBand社交媒体公布。