甘永杰梁浩贤献出“第一次”难舍舞台 “中2生”战友导师齐撑场
《中年好声音2》甘永杰及梁浩贤献出“第一次”，首度参与音乐剧场《换吧！我的兄弟姐妹》演出，这次演出，除了得到一班甘粉和梁粉狂买飞捧场外，亦吸引不少名人好友到场支持，计有即将做爸爸的方力申、王君馨、陈慧敏、丁子高、谭俊彦、岑杏贤和一班《中年好声音2》的兄弟姐妹和导师等等。
甘永杰和梁浩贤首度担演音乐剧场演出，完骚后感受当然特别深。浩贤坦承不经不觉已完成四场演出，“我哋之前仲倾过，到时会唔会有啲唔舍得、失落感呢？！原来真系感觉到好失落，完咗之后唔使再排练，又见唔到班小演员，同埋冇咗紧张同刺激嘅感觉。”阿甘和浩贤接演后曾表示有担忧应付不来，特别是要跟6岁囡囡甘亦霏同台的阿甘，怕囡囡演戏时不懂投入角色，仍当他是爸爸，原来囡囡在排练时一度出现此情况，令阿甘一度想放弃，“我嘅担忧系冇错，排到中段时佢真系见到我就变返系我个女，唔系用角色同我交流，我就返屋企同佢倾，我话‘你做唔做到？做唔到就cut咗呢个角色嘞！’佢一句话做到，返到去好厉利，真系改变晒做返个角色。”至于挑战极速变装，仲要扮演婆婆角色的浩贤，就感激幕后团队帮手令他可顺利完成，“我系一路都好担心，真系要多谢服装同化妆，幕后团队嘅力量，佢哋咁畀心机去做，我先可以放心去扮女人。”
阿甘笑浩贤因本身“女人底”，所以扮得特别神似，浩贤认同之余，更希望将扮女人角色发扬光大，“好多小朋友好钟意我扮‘陈婆婆’，嚟紧可以有节目揾‘陈婆婆’出现，或者整套《陈婆婆外传》都唔错。”问到一班《中年好声音2》的兄弟姐妹和导师，他们都大赞阿甘和浩贤演出精彩，古淖文自认演戏差无意做舞台剧，但看到战友有新尝试也戥他们开心，“见证住我哋可以去到唔同领域，演到舞台剧都几震撼，希望其他同学仔，一、二、三届可以去到更远地方。”而曾演出过歌舞剧的韦绮珊，就想挑战跟小朋友合作，“同啲咁细嘅小朋友合作，考验吓自己啲耐性，同你哋（《中年好声音》学员）合作都要好有耐性，同啲再细啲又系另一个睇法。”
岑杏贤跟丈夫张嘉俊带同下个月满4岁的囝囝Preston捧场，原来这次是囝囝首次看舞台剧，但因为囝囝对音乐有兴趣于是一家来欣赏演出，“佢都有表演欲，但系比较慢热，同埋有啲性格，但佢好钟意音乐同唱歌，𠵱家都学紧打鼓，所以对唔同表演会有兴趣好定咁睇，我一知道可以睇呢个骚，又有好多小朋友一齐唱歌，都觉得几啱佢，于是试吓带佢嚟睇。”本身有修读心理学课程的岑杏贤，更希望透过这次睇骚，让囝囝有机会偷师练胆量，“畀佢睇吓其他小朋友好有信心喺台上表演，见到啲哥哥姐姐喺个台上做紧呢样嘢，会令佢将来真系有机会上台，都会有信心啲。”