龙婷西九开足三场骚首度曝光新歌　金曲奖得主萧煌奇为其度身订造

《中年好声音》龙婷一连三晚在西九“大盒”举行的《龙婷旅程 Story 音乐会》经已圆满完成，尾场（20日）演出坐无虚席，全场观众以连绵不断的掌声为龙婷的演出喝采。

龙婷在完成第一部份的歌曲后说：“Hello，大家好，多谢大家今晚光临西九大盒，今晚已经嚟到第三场，第一晚未够放松，第二晚挥洒自如，第三晚非常唔舍得，有好多感触嘅说话要讲。其实我嚟到香港一路系西洋菜街做街头表演，我系好开心嘅，因为揾到一个有好多好朋友想听我唱歌出现嘅地方，后来𠮶度唔俾唱歌，咁唔紧要，我哋再揾过其他地方。之后我就做咗我人生第一场演唱会，𠮶晚系九展 Music Zone 系我人生至高点，但过咗两年后睇返转头唔知点解𠮶阵时咁有勇气，点解会着呢啲衫？点解会系咁嘅造型？之后不断咁进步，做多咗一次Music Zone，之后又去咗中央电视台比赛，上咗春晚，认识咗春晚嘅舞台，好靓，佢地下每一部份都系用LED拼出嚟。拎咗星光大道冠军，之后大家都迎接疫情，大家都冇地方去，咁我就试吓做直播，但系做直播好难做到以前喺街头𠮶种面对面嘅感觉。”

她续说：“终于个疫情慢慢过咗去，时间就嚟到2022年嘅11月，𠮶阵有个朋友同我讲戏曲中心有个场地，我有冇兴趣去做演出？其实我而家睇返转头我都觉得我好有勇气，因为我觉得我两年都冇做街头表演，咁你知而家呢个世界有好多嘢可以吸引到大家嘅注意力，分分钟系今日睇我直播，听日就唔睇，但我好难抗拒呢个可以喺舞台上唱歌嘅机会，仲系一个咁靓嘅场地，我就同我朋友讲我做，跟住我就周围去做宣传，周围去做直播，我会喺电车上面开直播，喺天星小轮又开直播，去到文化中心门口都开直播，希望大家可以关注我，希望关注我嘅朋友唔单只系睇我做直播，亦都会买飞去到现场支持我，后来我喺大家嘅努力之下又做到。之后就去咗参加中年好声音，去咗文化中心同管弦乐团开演唱会，之后就喺年尾做咗两次麦花臣，喺呢度要多谢主办单位星星娱乐俾机会我，同埋有睇过呢几场演唱会嘅朋友，多谢你哋嘅支持我先可以行到嚟而家。其实每一次嘅演唱会我都攞到啲经验，做完之后望返转头点解系咁嘅？头先讲咁多都系想话俾大家听，每一次演唱会都系一个好珍贵去提升我自己嘅机会，好多谢大家俾机会我，多谢大家。”在接住的邓丽君串烧歌环节中，很多歌迷趁着龙婷和大家握手时，把预备好的利是送给她。

龙婷在演唱会中也特别首唱从未曝光，由金曲奖得主萧煌奇特别写给她的新歌《在来的路上》，作词为金曲奖最佳作词人姚若龙。龙婷表示她早前去了台北录制这首新歌，萧煌奇老师更担任这首歌的制作人，她很感恩在萧煌奇老师的指导下学到很多。接著她献唱了《可爱的玫瑰花》、《下雨天》、《海阔天空》、和《夕阳之歌》，歌曲风格各有不同，尽显龙婷非凡的唱功。在献唱全晚演唱会最后一首歌《好歌献给你》前，龙婷说希望可以把今次音乐会带到大湾区不同的地方，让大家可以认识她。

完骚后龙婷说终于松了一口气说：“终于做完这三场音乐会，由一开始筹备，到中间部份嘅准备，再到呢三日嘅表演，其实系一个好好嘅过程，一个好开心嘅旅程，回顾返呢几年自己行过嘅路，大家一直咁支持我，我真系好幸运。今晚终于可以唱新歌《在来的路上》，我希望呢只歌系我全新嘅开始，可以再开展一段全新嘅旅程，希望大家会同我一齐行落去，多谢大家。”