吴业坤自爆与日籍太太相识经过　只相处数月决定结婚：无嘢系绝对

35岁的吴业坤（坤哥），2015年一踏入乐坛即创下神话，连续两年摘下叱咤颁奖礼“我最喜爱的男歌手”又开红馆骚。五年前由零开始学空手道的坤哥，今年再创传奇，变身运动员于五月代表香港远赴乌兹别克出战亚洲空手道锦标赛。坤哥为空手道创作的新歌《感激的直拳》接受雷霆881商业一台《星光背后》专访。节目中，他除了大谈30岁才展开运动员第二人生外，亦披露了与日籍太太滨口爱子( Aiko Hamaguchi )的相识经过，原来二人只相处了数个月便决定结婚，坤哥说：“有啲人三日就结婚，无嘢系绝对。”而谈及十年大起大跌，坤哥更以滑浪比喻初出道的成功：“突然嚟咗个超级大浪，我系唔识落返嚟。”

吴业坤首代表港队出战空手道国际赛感痛快：我系香港运动员

羡煞不少港男，四年前娶得日本娇妻的坤哥，他称2018年开始学日文绝非为追女仔，主要是因网上认识了一些音乐人有机会谈合作并到日本发展，巧合地亦经日本音乐朋友介绍认识爱子，他说：“系缘份，一识佢几有好感，畀佢好有自己个性吸引，相处好舒服。”坤哥与爱子认识不久后疫情爆发，他坦言幸好有科技，解决long D相思之苦，“long D咗一段长时间，好彩有网上平台，可以facetime一齐睇剧或电影，或者一齐对住个mon饮嘢。”

他承认婚前二人实际相处时间只是数个月已计划结婚，“真系几个月左右，究竟要拍拖几耐先可以结婚？七年？十年？有啲人三日就结婚！无嘢系绝对，总之我觉得系timing要做呢件事！”再问坤哥怎样认定爱子是适合他的伴侣，他说：“系佢所有嘢！靓唔靓见仁见智，最重要系佢唔会觉得我系吴业坤，我入行十五年，大家会畀唔同嘅报导或者作品影响对我嘅感观，而我可以用最本我嘅身份同佢去相处，我唔系讲吴业坤系一个好劲嘅人，但系佢就系钟意我本人，同我真实性格，系好难得。”

坤哥感激爱子为他牺牲日本一切陪他来港定居，“求婚前都倾过，佢思想几传统，会嫁鸡随鸡、会跟老公姓。到讲到实体经济问题，首先我响日本揾唔揾到钱？其次佢嚟香港又会唔会习惯？最后我无得放弃香港事业，所以佢要放弃日本嘅工作。”至于老婆有没有考虑日本的双亲，他说：“好彩日本年青人同香港人好唔同，日本人好早就离开屋企去东京做嘢，系习惯咗独立，主要系佢适唔适应嘅问题。”坤哥指太太适应力及语言学习能力强，居港三年多来，已解决语言问题，也在港认识了不少朋友及已成为KOL。

2010年《巨声2》入行的坤哥，等了五年才有机会出歌，但一出就爆红，谈等待那五年，他说：“头五年脑囟未生埋，见Alfred、Jay Fung好快有歌出，成日谂点解机会唔系我，无谂自己有几唔得！”到爆红两年过后，坤哥深深体会何谓长江后浪推前浪，“我成日用滑水形容运，我本身谂住个浪细细地，我会滑得好顺畅，但突然嚟咗个超级大浪，我滑到好高亦可以滑到，但我系唔识落番嚟，亦唔识点继续接下一个浪。当时我嘅技能都唔能够承接，睇返我以前啲相，又肥、头发又乱梳、眼镜又核突又无突破，点会继续有人支持我？起跌无得唔接受，唔同我学空手道努力就会有回报。”

经历起跌，坤哥学会感恩，“好彩而家仲有机会出歌，仲可以做呢啲咁唔commercial嘅歌，讲真《感激的直拳》？揾边个听先？”坤哥指空手道令他学懂做人要有野心，“就算赢唔到，你都唔可以输，因为今年十周年，所以都想开巡回，内地已经开始紧，希望一站一站做返嚟。”