老牌歌手拍TVB剧NG一两次被导演当众闹　忍气吞声：迟啲咪炒埋你

现年78岁的Joe Junior（原名：罗利期）是在香港长大的葡萄牙裔歌手，60年代出道，曾推出过18只45转唱片、七只黑胶大碟、八只CD，和踏上数以千次计的舞台台板。1993年Joe Junior加入无线拍剧，经常演神父角色，在神剧《天与地》愁爆对佘诗曼表示“The City is Dying”，更成为传颂一时的金句。近日Joe Junior接受杨绍鸿的YouTube节目访问，大爆入行多年受过不少委屈，除了要厚面皮“搲捞”，更试过因NG一、两次而遭导演当众大骂：“搞错有冇睇剧本㗎！”但个性温和的Joe Junior选择忍气吞声不驳嘴。

Joe Junior指当年获TVB高层赏识邀请在一个派对上表演唱歌，细谈下对方问会否有兴趣入电视台拍剧，他答道：“梗系有啦，有得玩吓都好，冇谂咩角色，TVB曾访问过我，问我有冇谂过做主角或特别配角要攞奖，我话边够人叻，总之无线咁多监制，每人畀一两集戏我就够嘞。”

曾被导演当众破口大骂

Joe Junior十分谦虚，知道自己中文麻麻，感激太太从旁提点及帮忙对剧本，每次演出前都会将对白念到“滚瓜烂熟”，但亦曾经试过被导演当场指骂，他说：“我明明𠮶日已经读到熟晒，NG一次半次都唔紧要啦，但有啲导演，我唔讲佢名，但扮晒嘢，NG一、两次佢就扮嘢走出嚟闹我，‘你有冇睇剧本㗎你’，我话‘对唔住，今日有少少瞓得唔系几好，所以NG咗’，我费事。”他直言见过有人会发恶反闹导演，他则选择忍气吞声：“我唔会，我会认低威，咁我系要认低威，唔够你叻，你做得导演一定叻过我，导演睇好多嘢，（演员）自唔自然、有冇独特性。但佢（导演）闹‘搞错有冇睇剧本’，我心谂唔睇剧本点会嚟，讲废话，你想威吓，大声闹吓我之嘛，咪俾你闹啰，你叻得去边啫，迟啲无线咪炒埋你，讲咁多做咩，我知道呢啲嘢，啱唔啱听呀！”

节目中，Joe Junior亦有提及2015年《4个小生去旅行》谢贤掌掴曾江事件，直言当时亦被吓一跳，杨绍鸿问是否为节目宣传？Joe Junior否认，并说：“唔是，但我预先已经预料到，我哋喺录音室里面，但事件已经过去。”他表示跟其他几位“小生”一齐去旅行获益良多，并爆谢贤前妻狄波拉亦是他的粉丝，后来成为好朋友，虽然曾江已离世，但亦希望有机会再与谢贤和胡枫一齐去旅行拍节目。