林子祥叶蒨文来年结婚30年　Sally爆情人节冇礼物︰得雪柜个蛋糕

即将于十月登陆红馆举行演唱会的林子祥（阿Lam）与叶蒨文（Sally），作客查小欣全新YouTube 频道“红查馆”接受访问，细诉久违廿七年来未有合体开show的背后原因，又大爆婚后共度最难忘的情人节，Sally更有家传四宝，亲手为阿Lam退烧！

访问前夕，阿Lam身体抱恙，Sally感觉老公发烧，立刻出动家传四宝，令阿Lam 重拾健康，Sally说：“（阿Lam）昨日发烧，我好细个识得刮痧，我好容易热气、成日中暑，舅母帮我刮痧，佢帮我、我就识咗，我会用一支匙羹，加橄榄油、盐、好热嘅热水，佢昨日烧到（摄氏）三十八度，我一摸知道佢好热，先刮三条喺条颈度，条颈最紧要，一刮即刻松晒！”阿Lam搞笑道：“佢报仇咁报！”

小欣姐忆述，当年阿Lam推出《最爱》大碟时，曾难得抽空接受专访，小欣姐也是带着高烧赴会，一坐下就跟阿Lam说：“我俾你一个问题，你尽量发挥就得啦，阿Lam真系尽量发挥，然后再车我返屋企，不知有几多人羡慕我！”

更令人羡慕的是，阿Lam与Sally结婚近三十年恩爱如昔，又是舞台上的好拍档，阿Lam外表看似是浪漫好情人，Sally却笑笑口踢爆：“我啱啱嫁佢一、两年，情人节，我等佢送礼物俾我，佢冇俾我，我话今日系情人节，然后佢喺雪柜摷咗个雪糕、插咗支蜡烛，话每日都系情人节，祝我情人节快乐！”阿Lam爱吃甜食，雪柜常备Gelato；Sally则十分注重健康，平日随身携带维他命，又遍寻降低胆固醇的秘方，Sally说：“人哋话佢（阿Lam）嘅胆固醇高，咁我点样帮佢减低胆固醇呢？原来系flexseed（亚麻籽），佢食我不如食埋，我嘅胆固醇都唔会高，大家一人一个汤匙，但我成日唔记得洒！”

明年结婚三十周年纪念，阿Lam与Sally预计将会在舞台上度过，Sally说：“之后可能会做巡回（《白头到老演唱会》），会分开年几两年做，目前我哋首先做好香港呢五场！”原来香港站之后，他们还会作全球巡回演出，各地歌迷有耳福了。阿Lam与Sally拥有无数经典金曲，歌单编排会会不会很伤脑筋？阿Lam气定神闲地说：“我哋多歌仲易‘衬’，将啲歌分一个一个类别，例如电影歌、中式歌，你一讲咩歌我哋都有，就将佢哋‘衬’埋，一嚿嚿直落去唱！”Sally问阿Lam：“我哋好多都系合唱嘅歌，我可以唱你嘅歌，你有冇唱我嘅歌？”阿Lam飞快地答：“《零时十分》！”《选择》也一定要唱吧？Sally自爆：“𠮶时我唔系好知道《选择》歌词讲乜嘢，我只知道歌名系《选择》，但过咗咁多年，如果以前嘅‘选择’系我同佢，而家嘅‘选择’系我哋同舞台、观众，系一个大好多嘅爱，唔系咁窄嘅范围。”

久违廿七年，阿Lam与Sally再合体举行演唱会，阿Lam细说个中原因：“咁耐冇一齐做，我谂系因为佢好长时间要照顾爹哋妈咪，之后轮到我照顾妈咪，所以时间夹唔埋！”今次演唱会，两夫妇与主办单位商讨接近两年，合约足有廿八页纸，主力由Sally处理，Sally笑言：“真系晕，好在我哋有一个非常厉害嘅律师，因为咁多年我哋都冇乜签合约，今次有咁多场、去到咁远，所以有必要签！”Sally是紧张大师，样样执到正，每个细节力求精准；阿Lam看似慢条斯理，实则亦有注重细节的地方，阿Lam说：“我谂我同佢嘅进度系好唔同，因为我放松晒来做，我可以用唔同方法去唱呢只歌，我觉得咁样先至系创新，唔系困住自己，佢（Sally）就要每一粒音、每一盏灯、每一样嘢都要啱晒，所以我哋咁耐冇一齐做（演唱会）！”