TVB“御用贵妇”传可用气功疗伤　懒理网民质疑：唔需要同佢拗

林漪娸日前（23/8）现身观塘出席好友《爱‧回家》“大只仔”关曜俊（Leo）创办的健身工作室开幕礼。早前林漪娸接受访问时自爆学气功超过20年，亦曾向郭锋爱妻欧阳佩珊学气功，目前亦是一名“气功治疗师”，传可为人隔空疗伤，更用量子学来说，两者之间没有阻隔，掀起网上热讨，但就有网民对“气功疗伤”存疑，又指气功不等于量子这个说法。

林漪娸接受《香港01》访问时表示：“其实我哋中国人好多嘢就唔会去科学化，即系你生完BB，你就去整姜醋咁，食姜醋嘅过程就系帮个身体帮补返铁质，变咗我哋中国人嘅传统觉得好就去跟呢个方式，但就唔用科学去分析啰。如果真正嚟讲气功同量子相唔相同，我就唔代表啦，但讲到尾就系频率嘅一种。”

讲起气功治病，林漪娸直言已有过百人受惠：“大部份嘅病都可以逆转到，效果系好好。同埋我想讲气功治疗系好科学化，只系啲人唔够认识。（网民质疑呃神骗鬼！）咁我觉得我又唔需要太过介意，我又唔系同啲网民做，因为佢哋唔认识，佢哋唔了解，佢哋唔信系正常。畀我开头我都唔信啦，系因为你冇接触过嘛，例如接触过嘅朋友，亦帮助过嘅朋友佢哋自己咪知啰，变咗我唔需要迫人哋一定要信，亦唔需要同佢拗，拗系冇用嘅，呢个系一个缘份啰。”