前亚姐遭男同事迷奸毁前途　童年坎坷街头被打几个钟无人理

现年53岁的张文慈（Pinky），1996年参加亚洲小姐入行，先后效力亚视和无线，拍下《纵横四海》、《我和僵尸有个约会》系列、《宫心计2深宫计》及《木棘证人》等多套作品，近年转战内地发展，积极经营直播带货，鲜在港拍剧。日前张文慈接受资深传媒人汪曼玲的YouTube频道访问，原来她的直播之路一开始不顺利，试过半年零收入，差点被炒鱿鱼。

张文慈透露家中有四兄弟姊妹，父母在她四岁时候离异，从小由嫲嫲照顾。由于家庭环境较穷，小学二年级至六年级屡遇欺凌事件，试过被打到流血报警，但最后仍没有人伸出援手，令她从小已缺乏安感及不相信人。她说：“（被打）冇一百都几十镬，不是一个而是一班，佢哋会用唔同方法拆磨你....一哭就一把，我觉得皮肉之苦唔系最惨，（心灵？）有次喺街被人打几个钟，屋邨望落嚟见到，但几个钟冇人理，行过都冇人出声。”

张文慈入行后曾表示17岁返暑期工时认识了一位男同事，有一晚她与该位男同事和女同事相约食饭，期间张文慈被落药，醒来后就发现耳朵及身体都有流血，张文慈当时被吓到不敢报警，亦没有告知屋企人。今次访问，张文慈直言不想再讲太多，她说：“𠮶阵我啱啱入行，一个细路女，你问我乜嘢，我又唔识得讲大话，咪捉咗我一啲说话放大，后嚟我俾亚视雪藏，越雪越觉得自己丑，跟住咪越收埋自己。其实我唔系怕讲呢件事，而系怕再讲呢件事，人哋会觉得我又拎呢件事做宣传，我都几十岁人喇，仲有乜嘢好做宣传？我唔知丑咩？我根本就唔需要，而家我就系笑看人生，将我嘅事分享出嚟，我仲有乜嘢需要拎呢件事做宣传？就算有，都唔系而家喇。”

张文慈又称走性感路线，多多少少与事件有关：“因为我以前好冇安全感，我觉得如果我唔走呢条路，人哋就唔会睇我，即系我冇存在价值，只要咁样先可以出位，我好惊冇得做，怕被人淘汰，我个人又自卑、恐惧兼冇安全感，加上我真系唔识同人沟通，我而家好似好识讲嘢，可能因我呢几年做咗直播磨练咗出嚟。”后来张文慈有宗教信仰，让她勇敢面对一切：“每次将我嘅伤害讲出嚟，反而就好似将我伤口脱落......而家越嚟越唔惊，而且同屋企人关系好咗，我觉得自己好型，我嘅人生经历咁多，到而家都冇放弃， 我冇婚姻，亦唔算有钱，但系我好感恩，因为我有健康，我有工作的能力。”