47岁杨思琦传拥半亿身家　曾被蔡澜劝唔好悭：我都有买名牌袋

现年47岁的杨思琦是圈中出名的“悭妹”，自小在大坑西新邨长大，2001年当选港姐冠军后，短短五年就成功上车，听从曾任职银行的母亲建议买楼，以400万买入长沙湾泓景台920呎单位，一年后再斥263万元买丽港城中层单位，持货两年卖出赚150万！近年有报道指思琦拥有约5个物业，分布于将军澳、蓝田、观塘及荔枝角等地，并有投资股票、基金、债券及外汇等多样化投资项目，坐拥半亿身家，绝对是圈中的小富婆。

靠自己能力：唔使鹌鹑咁样

杨思琦日前接受《香港01》专访，对于传闻指她身家丰厚，她笑著回应：“入行到依家都系自己拼搏努力，做到几多就几多。好多人查到我有咩物业，其实都系自己努力嘅成果，好开心自己有能力，有能力时候讲嘢都大声啲，唔使鹌鹑咁样。”

买衫接受中低价钱

多年前，杨思琦曾被已故才子蔡澜劝告不要太过悭，思琦想了一想，掩著嘴笑说：“好似系，我唔知呀，可能觉得艺人出嚟嘅形象，打造嘅衫、妆鞋、look，无论点花费都系值得嘅，因为呢个就系你个品牌。但我系悭妹，又系屋邨港姐，觉得应使则使，最重要着出嚟啱自己，或者展现到舒服自然，有自己风格。其实着咩冇所谓，唔一定价格去到天花板，着到中价，或低啲价钱，但配搭好都ok。”

问到可会购买名牌？她说：“我都有，我都有名牌㗎，但好多时买咗摆喺度冇用呀，唔知点解买咗系放喺度，好嘥。”是否不舍得使用？她说：“唔系，每日都咁烦忙，好少用咁多心思、精神摷返我屋企个袋出嚟，再衬吓边样嘢。最简单就最舒服，但其实名牌手袋我都有，但唔会将所有名牌集中喺自己身上。钟意个款都可以满足吓自己、奖励自己都应该，做嘢都辛苦，人生咁辛苦为咩，除为自己，梗系为家人，奖励吓自己就有更多动力。”