Gordon Flanders首谈旧作被张驰豪疑抄袭　做华歌纳手要惯被改词

由创作《污糟儿》、《花海》到华纳家族音乐会上与moon tang合作《我想和你好好的》获一致好评，再到旧作《冬天一个游》被抄袭，Gordon Flanders（王骏杨）在网上的讨论度持续上升。由独立歌手变为华纳歌手，Gordon 坦言一开始有两头唔到岸的感觉，在摸索市场需要与个人风格的同时，自己填的词有一半遭公司否决/改动，当中包括《花海》以及近日面世的《歌顿花园》。“你咁样被指手划脚一定唔好受，佢哋尝试解释时，我会选择唔听，咁好似会开心啲。”

而我不知洪嘉豪是谁⋯

Gordon Flanders早年曾在日本著名音乐大学Senzoku Gakuen College of Music主修作曲，回港后以独立音乐人发展，发行过专辑《FLANDERS》，又在西九文化区自由空间大盒举行过音乐会，一心以音乐维生的他说当时“够钱交租”，当有感发展已到樽颈位，华纳适时抛出伸出橄榄枝， 令Gordon变成了合约歌手，与华纳的渊源，是否因《污糟儿》而起，Gordon笑说：“因为𠮶时少留意香港音乐，所以有人揾我时，第一个反应系‘边个洪嘉豪？’，但有研究下点解佢揾我，佢话机缘下听到我嘅作品，觉得几得意。因为佢先识到华纳同事，呢样嘢讲一世，虽然唔情愿，但都要多谢佢。”

专拣负评留言睇

Gordon 说签华纳的唯一考量是自由度，做独立歌手时，不会有A&R与他分析市场形势，烧钱般拍出来的MV随时无人留意。“有人觉得我心急，但我系希望有时间就快冲，所以好快就搞清方向，决定签公司。以前对资源呢样嘢无咁多观念，将版税钱拎去拍MV、做歌，有公司之后就知原来budget系咁用。”有瓦遮头，除了收入稳定，Gordon知名度亦有所提升，特别是家族演唱会后，而对于粉丝担心作品会变质，Gordon一直认为做音乐并非为了自娱，而是想与乐迷产生连结。“问题系点市场化你嘅作品同时保留自己风格，声音系必要存在，但又唔会唔开心，我睇留言睇得好轻，特登睇唔好𠮶啲，来来去去都系𠮶时，话你个样、唱得唔好，但又唔会影响到我出唔到歌（笑）。 入华纳头几首歌有少少两头唔到岸，每次市场化啲嘅时候，又会有内心嘅任性声音，而家去到第四首，完全放弃自己谂法，真系做一首Cantopop，咁样做唔代表放弃自己，而系做pop song就要做到最极致，做自己嘢时再开条路畀自己，澈底划清界线，唔好做到两头唔到岸。”

MC力保《花海》原汁原味

查看Gordon的音乐作品，moon tang是暂时合作最多的一位，他承认moon tang（邓凯文）声音很适合自己的创作，所以偏心是在所难免；而对于一手包办曲词编监的《花海》，MC曾不只一次在访问中因成绩未够好而对Gordon感到抱歉，这位创作人的看法是：“佢有私下讲过大家做嘅音乐都好稳阵，即系做返大家想听嘅音乐，如果佢唔做边个做呢？我觉得佢讲得啱，同埋佢肯做呢个实验系好好，因为佢嘅歌多人听，用呢份力量去令人接触多啲唔同类型嘅歌。因为香港人都始终钟意听Cantopop，《花海》传达到‘原来广东歌可以有呢个style’讯息系好重要，佢觉得对我唔住，咪揾我再写歌啰。”

比起实验是否成功，Gordon更欣赏是MC有这份勇气， 又笑指“佢啲歌咁多人听，做咩都无所谓。”但感谢当初MC找他合作时的信任。“啲词有被同事ban过，系MC自己出嚟话‘改咩啫? ’，然后就好顺利咁做晒。被指手画脚一定唔好受，好似《歌顿花园》 咁，佢哋解释时我会唔听，唔听好似会开心啲。”《歌顿花园》本是Gordon写给老婆的作品，但因为当中有高低起伏，未符合公司想要的“重甜”，最后找来填词人小克操刀。

关于被抄袭的那件事

Gordon出道至今的歌曲 《 1234 》、《 冬天一个游 》、《 INSECURE 》 等已在各平台累积超过2000万的播放量，《声梦》歌手张驰豪（Aska）6月时推出的《想和你去南山塔》，被发现与《 冬天一个游 》旋律十分相似后，以下架方式处理。 对于如此雷同，是否实属巧合，Gordon笑笑口表示：“Melody 相似原因可能系同𠮶位歌手听嘅歌差不多，大家钟意嘅嘢差不多先会有咁雷同嘅嘢出现，讲真，我真系唔系太在乎似唔似，呢样嘢交畀个市场决定、听众去判断。（你听完有咩感觉？）无特别感觉，咪叫大家一齐听下。”

Hair : Carman Ngai

Make-up : Tammy Au