郭富城被手机撞眼罕对粉丝“训话” 认得个别粉丝：系好激进

天王郭富城（Aaron)以“星动策展大使”身份出席“星动计划”活动，见证着国际流行组合Now United有香港区的新成员加入，并与他们一同合作大跳《狂野之城》，相当精彩。

而在接受媒体访问时，郭富城对Now United唱跳表演赞不绝口，更令他回想起初出道时的画面：“喺身边见到佢哋嘅时候好感动，我系一个舞者出生，就好似睇返我当年咁。”而他亦对于Now United新增的来自香港区新生代歌手曾家莹（Ariel)称赞不已，大赞对方很上镜，而且跳舞的时候很有魅力。

续问到有没有与曾家莹合作，找对方当MV女主角时，他就二话不说：“完全冇问题，如果有适合，我完全好乐意。”而身为“星动策展大使”的他，亦对一些未被挑选的落选者作出鼓励：“考核唔到未被挑选唔代表你唔得，可能喺云云之中只可以拣一个，我觉得只系透过呢个机会比自己尝试，继续去追梦，唔好因为一个失败而放弃。”

另外，问到两位宝贝女儿平时有没有听或看一些女团的表演时，郭富城就透露：“有呀！佢哋成日会听好多歌，系好嘅。因为我觉得小朋友钟意音乐系好事，我一上车载佢哋去食饭嘅时候，就播佢哋最钟意嘅音乐。（佢哋听欧美定系K-Pop？）其实乜都听，（如果女儿想参加选秀节目或组女团呢？）点解唔去呢？我会觉得系勇敢嘅。”绝对是一位开明的好爸爸。

最后，提到早前出席新戏《无名指》宣传活动时，险被一些热情粉丝的手机撞到眼睛，而罕有作出“训话”一事，郭富城就强调不是在说全部粉丝，而是当中少部分粉丝而已：“其实𠮶次我觉得都系无心之失嚟，我系完全唔系介怀。喺我所有fans里面大部份都系好成熟，佢哋要签名、影相，喺𠮶个场合里面我做到嘅我一定会做，喺个场合里面如果真系太混乱，我就会公开礼貌拒绝，只系𠮶日我讲紧好多好多fans里面得两三个，𠮶啲系好激进，而系过激，激、激、激，系讲紧𠮶几个歌迷唔系全部。（其实你认得𠮶几个fans？）认得。”更希望佢哋可以慢慢改变，不要太过激进。